Toledoko Paktuaren jarraipen batzordea bildu da asteartean eta 2013tik Espainiako Estatuko pentsio-sisteman indarrean dagoen aldaketa bertan behera utziko duen erabakia hartu du: pentsioak Kontsumorako Prezioen Indizearen (KPI) arabera igoko dira berriro. Baina erabakiak badu letra txikia: ekonomia beheraka hasten denean nola jokatu airean geratu da.
Pedro Sanchez Espainiako presidente denetik Toledoko Paktuaren jarraipen batzordeak egin duen lehenbiziko bileran, diputatuek adostu dute pentsio guztiak KPIaren arabera igo daitezen. Hori bai, hazkunde ekonomikoarekin lotu dute igoera hori. Besterik da Espainiako Estatua atzeraldian sartuko balitz gertatuko litzatekeena, alor horretan ez baita adostasunik egon.
Bi iritzi kontrajarri agertu ziren astearteko bilkuran: batetik, PSOEk, Unidos Podemos, ERC eta Compromis alderdiena eta bestetik eskuineko alderdiena –PP, Ciudadanos, PDeCAT eta EAJ–. Lehenbizikoek defendatu zuten pentsioak berdin igo behar direla garaiak garai; bloke kontserbadoreak berriz, pentsiorik baxuenak bakarrik igoko lituzke krisi ekonomikoa etorriko balitz, altuenak inflazioaren egoerarekin lotu gabe.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.