Pentsiodunak Bilboko jaietan mobilizatu dira

  • Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.

Asteleheneko manifestazioa. Argazkia: EH Bildu.

2023ko abuztuaren 22an - 06:12
Azken eguneraketa: 2023-08-23 08:43:12

Euskal Herriko Pentsionistan Mugimenduak deitu du manifestaziora, Moyua plazatik udaletxeraino. Gehiengoak peto berde bat zuen, aldarrikapen nagusiekin: “1.080 euroko gutxieneko pentsioa” eta “Pentsioen murrizketei EZ”. Pentsionisten mugimenduarentzako, “beharrezkoa da” zifra horietara iristea, bereziki “pentsio oso baxua duten emakumeentzat”.

Gasteiz eta Iruñeko gobernuei gutxieneko pentsio eskaera azkar onartzea eskatu diete. “Berdin du zeinek gobernatzen duen, pentsioak defendatzen dira” diote, eta “gure aldarrikapenekin jarraituko dugu, berdin du zein gobernu dagoen”. KPI-aren araberako kopuru igoera bat ere eskatzen dute, galdu zuten urtarrileko ordainsaria berreskuratzearekin batera.

Hurrengo hilabetetik aurrera Espainiako Estatuko beste pentsionista talde eta mugimenduekin lan egingo dutela adierazi dute manifestazioaren bukaeran, sortuko den gobernu berriari aldarrikapenak aurkezteko.

Egoitza publikoen inguruko aldarrikapenak

Pentsioez gain, “kalitatezko egoitza publikoak” eta “beste zaintza eredu batzuk” aldarrikatu dituzte. “Egoitza publikoak ezin dira ukitu”, pentsio pribatuei diru publikorik ez emateko, eta “generoaren arrakalari ez” izan dira manifestazioan ikusi diren beste leloak.


Kanal honetatik interesatuko zaizu: Pentsioak
2023-11-16 | Estitxu Eizagirre
"Bertsopentsiotan", Pentsiodunen I. Bertso Jarrien Lehiaketa
Astelehenero kalera ateratzen diren aldarriak bertsotara eramateko deia

Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]


2023-11-10 | Ahotsa.info
1080€ Orain herri ekimenak larunbateko manifestazioan parte hartzeko deia zabaldu du

1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]


Gutxieneko pentsioa 1.080 eurokoa izateko Nafarroako aurrekontuetako dirua bideratzeko eskatu dute

Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira. 


72 urterekin jubilatu? Zergatik Espainiako enpresarien lobbyaren proposamenak ez duen heldulekurik

Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.


2023-06-28 | ARGIA
Mauletar batek auzitegian deklaratu beharko du erretreten erreformaren kontrako protesten harira

Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.


Eguneraketa berriak daude