1080€ Orain herri ekimenak larunbateko manifestazioan parte hartzeko deia zabaldu du

  • 1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta beraz, gutxieneko pentsioa 1080 eurora osatzea aldarrikapen feminista delako".

Artikulu hau egilearen baimenari esker ekarri dugu.

2023ko azaroaren 10an - 10:43

Irailean eragile sozio-sindikal ugarik, Nafarroako Pentsionisten Mugimenduarekin batera Ahora 1080€ Orain herri ekimena aurkeztu zuten, Nafarroako instituzioei 1080 euro baino gutxiagoko pentsioak osatzea exijitzeko, 2024ko aurrekontuen legean horretarako partida bat aurreikusiz. 1080 euroko pentsio minimoa ezarriz bakarrik, zahartzaro duin bat ziurtatuko lukeela azaldu du ekimenak.

Azken asteetan, atxikimendu kanpaina eta sinadura bilketa jarri dituzte martxan. Gaurkoan azaldu dute geroztik, 20 eragile sozio sindikalen atxikimendua jaso dutela eta herri dinamikaren aldeko 5000 sinadura baino gehiago jaso dituztela ere bai.

Aurrekontuen eztabaida otsaila-martxora arte atzeratuko denez, herri ekimenarekin aurrera egitea erabaki dutela baieztatu dute eta beraz, atxikimendu kanpaina eta sinadura bilketarekin jarraituko dutela ere bai, herri ekimenak martxan jarraitu bitartean. Aurreratu dute gainera, hurrengo asteetan ere, udal ugaritan mozioak aurkeztuko dituztela, 1080 euroko pentsio minimoaren aldarria herrietara zabaltzeko.

Horrez gain, aurreko astean parlamentuan egindako agerraldiaren balorazio positiboa egin dute. “Talde desberdinek erakutsi zuten interesa dela eta”, eta talde horiek egindako eskaerari jarraituz, agerraldiak aurkezturiko edukian sakonduz txosten bat bidaliko zaiela esan dute.


Irakurrienak
Matomo erabiliz
Azoka
Kanal honetatik interesatuko zaizu: Pentsioak
2023-11-16 | Estitxu Eizagirre
"Bertsopentsiotan", Pentsiodunen I. Bertso Jarrien Lehiaketa
Astelehenero kalera ateratzen diren aldarriak bertsotara eramateko deia

Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]


Gutxieneko pentsioa 1.080 eurokoa izateko Nafarroako aurrekontuetako dirua bideratzeko eskatu dute

Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira. 


2023-08-22 | Ilargi Manzanares
Pentsiodunak Bilboko jaietan mobilizatu dira

Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.


72 urterekin jubilatu? Zergatik Espainiako enpresarien lobbyaren proposamenak ez duen heldulekurik

Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.


2023-06-28 | ARGIA
Mauletar batek auzitegian deklaratu beharko du erretreten erreformaren kontrako protesten harira

Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.


Eguneraketa berriak daude