Pasaiako segadaren auzia Estrasburgora eramango dute senideek

  • 1984ko martxoaren 22an hil zituzten Komando Autonomo Antikapitalistetako lau kideen senideak Estrasburgoko Europako Giza Eskubideen Auzitegira joko dute, Pasaiako segadaren auzia behingoz argitzeko.


2018ko otsailaren 12an - 12:11
Europarlamentariak eta senideak Pasaiako segadan hildakoen omenezko monolitoan (Arg: Berria)

Pasaiako sarraskian hil zituzten Pedro Mari Isart, Dionisio Aizpuru, Rafael Delas eta Jose Maria Izuraren senideek Estrasburgora jo behar izan dute, segadaren auzia ikertzeko hainbat epaitegiren ezezkoa jaso ostean: 1984ko ekainean itxi zen auzia behin-behinean, eta Donostiako Lurralde Auzitegiak berriro heldu zion hamar urte geroago. Alta, honek ere auzia artxibatu zuen duela bi urte. Senideek Konstituzio Auzitegira jo zuten orduan, baina enegarrenez salaketa ikertzeari uko egin zieten.

Orain, Europako Giza Eskubideen Auzitegian aurkeztuko dute salaketa, EAJ, EH Bildu eta Ahal Duguko europarlamentarien babesarekin. Pasaian iragarri zuten Estrasburgora joko dutela, eta agerraldian salatu zuten Espainiako auzitegiek atzera bota dituztela froga eskaera gehienak, eta poliziaren txosten batzuk desagerrarazi dituztela.

Felipe Gonzalez Espainiako presidente ohiaren agintaldian gertatu zen Pasaiako segada, GAL aktibo zegoela. Rosa Jimeno oriotarra torturatu ostean Komandoko Autonomo Antikapitalistetako bost kiderekin hitzordua egitera behartu zuten, eta itsasoz agertu zirenean, Espainiako Poliziak lau kide tiroz hil zituen. Joseba Merino bizirik atera zen, eta Enrique Casas PSEko kidearen hilketarekin zerikusia izan zuela leporatuta hamazazpi urte egin zituen kartzelan.


Kanal honetatik interesatuko zaizu: Politika
"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


'Bakegileak' errugabetzeko eskatu dute hainbat eragile eta sindikatuk

Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.


2024-03-25 | ARGIA
Espainiako Auzitegi Nazionalak Telegram aplikazioaren blokeoa eten du, Poliziak ondorioak ikertu bitartean

Epaile Santiago Pedrazek iragan ostiralean eskatu zuen estatuan Telegram aplikazioa blokeatzea. Astelehenean blokeo hau etetea erabaki du epaile berak, lehenik neurri hori aplikatzeak ekarriko lituzkeen ondorioak aztertzeko.


Eguneraketa berriak daude