Parke eoliko eta eguzki plaken proiektuen moratoria bat eskatu diote Nafarroako Gobernuari

  • Hainbat kolektibok eta auzo-plataformak Nafarroako parke eolikoen eta eguzki plaken proiektuen aurkako manifestu bat aurkeztu dute ostegunean. Adierazpen horretan, Nafarroako Gobernuari eskatu diote abian diren proiektuak geldiarazteko, eta energia-ereduari buruzko hausnarketa egokia irekitzeko.Manifestu horrekiko atxikimendu kanpaina bat abian jarriko dute datozen egunetan.
Artikulu hau egilearen baimenari esker ekarri dugu.

2021eko martxoaren 26an - 12:34

Gaur egun, berriztagarrien bidez energia elektrikoa sortzeko proiektu berri eta ugari tramitatzen ari dira Nafarroan: Erriberako, Lesakako, Lizarrako (Urbasa-Andia), Lizoain-Arriasgoitiko, Esteribarko, Olaibarreko, Ezkabarteko, Eguesko Haraneko, Anotzibarko, Erdialdeko Eremuko (Valdorba, Ujue, Murillo el Fruto, Tafalla, Artajonako) parke eolikoak eta eguzki-poligonoak Erreniaga, Erriberrin eta Erribera osoan han-hemenka egin nahi dutenak.

 

Proiektu horiek egiteak inpaktu larriak eragingo dituela ekosistemetan eta finkatu nahi diren komunitateetan salatu dute eta "nekez geldiaraziko dituzte arazo klimatikoak". Trantsizio energetikoak, ekologikoki eta sozialki eraginkorra izan dadin, diote, ezin dituela alde batera utzi energia berriztagarrien inguruan nahita ezkutatzen ari diren zenbait datu. Ondorengo hiruak azpimarratu dituzte:

Aldizkakoak dira eta ez daude kontzentratuta; beraz, azpiegitura askoz gehiago instalatu behar dira behar den energia-ekoizpena lortzeko.

Oro har elektrizitatea ekoizten dute, baina gaur egun Nafarroan kontsumitutako energiaren % 20 baino ez da kontsumo elektrikoa. Horrek esan nahi du ekonomia goitik-behera berregituratu behar dela, eta hori ez dira planifikatzen ari.

Eta, gainera, berriztagarriek mineralak erauztearen mendekoak izaten jarraitzen dute; horietako asko urriak dira, eta energia asko eta ingurumen-inpaktu handia behar dute horiek lortzeko.

Horregatik guztiagatik, erakundeek adierazi dute trantsizio ekologikoa ezin dela soilik egin teknologia fosilak teknologia berriztagarriengatik ordezkatuz, eta beharrezkoa dela eztabaida sozial zabala abiaraztea ardura duten erakundeen eta herritarren artean.

Ondorengoak dira manifestuaren sintzaileak: A TOMAR VIENTO – ESTERIBAR BIZIRIK, ENDARA BIZIRIK (Lesaka), GAZTELUZAR (Leoz), HAIZE BERRIAK, OLAIBAR BIZIRIK, PLATAFORMA URBASA-HANDIA BIZIRIK, SALVEMOS EGUESIBAR ZAIN DEZAGUN, SALVEMOS EL PERDON 4.0 ERRENIEGA SALBA DEZAGUN.

Hauek dira jaso dituzten lehen atxikimenduak: EHNE, EKOLOGISTAK MARTXAN, LURRA NAFARROA, SUSTRAI ERAKUNTZA FUNDAZIOA, EKOLOGISTAK MARTXAN IRUÑEA, EXTINTION REBELLION IRUÑEA.


Kanal honetatik interesatuko zaizu: Ekologismoa
Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


2024-03-18 | ARGIA
EH Bizirik elkarretaratze zaratatsura deitu du Europako industria eolikoaren kongresuaren aurrean

Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.


2024-03-12 | Estitxu Eizagirre
Jorge Riechmann
"'Trantsizio energetikoa' lematzat duen bizimodu inperialak ez gaitu infernutik aterako"

Ekologismoa trantsizio energetikoaren dilemen aurrean gaiaz mintzatu da Jorge Riechmann ekologista ezkertiar antikapitalista Gasteizen, Araba Bizirik taldeak antolatuta. Adrián Almazán unibertsitateko irakasle eta Araba Bizirik taldeko kideak gidatu du solasaldia... [+]


2024-03-07 | Estitxu Eizagirre
"Ekologismoa trantsizio energetikoaren dilemen aurrean" gaiaz mintzatuko da Jorge Riechmann Gasteizen

Adrián Almazánek gidatuko duen solasaldian, Madrilgo ekologista ezkertiarra den Jorge Riechmannek bere liburua aurkeztuko du: Ekologismoa, iragana eta oraina (etorkizunari buruzko ideia batzuekin). Araba Bizirik taldeak antolatu duen hitzaldia martxoaren 11n... [+]


Ekologiak hil du baserria

Nekazarien traktore uholdeek hartu dituzte Europako errepideak. Protestan dira. Diru kontuaz gain –sektoreko prekarietatearen adierazgarri betierekoa–, Frantziako Estatuko bi sindikatuk –FNSEA eta Laborari Gazteak– badituzte bestelako eskaerak.


Eguneraketa berriak daude