Pankarta matxistak atera ditu kuadrilla batek Gasteizko jaietan
Mozkorraldi kuadrilla Blusa eta Nesken Federaziotik kanporatua izan da. Gasteizko Udaltzaingoaren SIPLA sindikatuak pankarten aldeko mezua zabaldu du Twitteren. Jaietan izan diren hiru erasoen aurkako mobilizazioa egin du mugimendu feministak egun berean.
aurre egingo dieten hedabide independenteak
Asteazken arratsaldeko eguneroko kuadrillen kalejiran, Mozkorraldi kuadrillako bi gizonek lelo matxistak idatzita dituzten pankarta bana erakutsi dituzte: "Biolentzia jarrera kontua da, ez genero kontua", eta "Salaketa faltsuak = Tratu txarrak = Zigor bera". Jaietan gertatu diren sexu erasoen aurrean hamar minutuko isilunea egin dute kuadrillek eguneroko kalejira hasi aurretik, "edozein motatako erasoen aurka" lelopean. Isilunea amaituta kalejira hasi, eta orduan atera dituzte bi gizonek pankartak.
Polemika bizia piztu da jarraian. Eitb-ri eginiko adierazpenetan, Mozkorraldi kuadrillako kide Emma Saizek mezuak defendatu ditu: "Bikotekidea, bikotekide ohia edo senar ohiaren aurkako mendekua hartzeko edo seme-alabengatik salaketa faltsuak aurkezten dituen jendea dago, orokortua da, trukean zerbait lortzeko, presioa egiteko edo dena delakoagatik".
Blusa eta Nesken Federazioa urgentziaz bildu da eta kuadrilla federaziotik kanporatzea erabaki du, gertatukoa “oso larria” dela adieraziz. Blusa eta Nesken Federazioa 2016an sortu zen, zenbait kuadrilla Blusa eta Nesken Batzordetik irten eta gero. Sexu eraso baten aurrean kalejira bertan behera uztea erabaki zuen batzordeak, aipatu kuadrillek ez zuten erabakia errespetatua eta isuna jarri zien batzordeak. Batzordea utzi eta Federazioa sortzea erabaki zuten kuadrilla horiek.
Udaltzaingoa
Pankarta matxisten edukia sare sozialetan eta komunikabideetan zabaltzean, Gasteizko udaltzaingoaren SIPLA sindikatuak mezua idatzi du gaztelaniaz Twitterren: "Jendea behingoz begiak irekitzen ari da. Biolentzia biolentzia da datorren lekutik datorrela, eta puntu. Olé kuadrilla honi. Nire babes osoa". Minutu gutxira txioa ezabatu dute, inongo azalpenik eman gabe.
⛔ Nada más conocerse la noticia, así h reaccionado el Sindicato Independiente de Policías del Ayuntamiento de #Gasteiz; minutos después han borrado el tweet https://t.co/A5nTa73ui0 pic.twitter.com/lRfys5n97k
— Hala Bedi (@halabedi) August 7, 2019
Hala Bedi irratiak SIPLA sindikatuaren txioaren berri eman du. Honi erantzunez mezua idatzi dute ondoren SIPLAren kontutik, "akatsa edo gure kontua erabili duen asmo txarreko pertsona batek idatzia" izan dela esanez, "mezu zentzugabea" izan dela eta "sentitzen" dutela gehituz.
Mobilizazio feminista
Egun berean, eta jaien testuinguruan gertatu diren hiru sexu eraso matxistak salatzeko protokolo feminista aktibatu du Gasteizko mugimendu feministak. Arratsaldeko 20:00etan, ehunka pertsona bildu dira Andra Maria Zuriaren plazan, “Erasoen aurrean autodefentsa feminista” leloaren inguruan.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
2024aren bukaeratik behartu du gaztea berekin sexu-harremanak izatera, diru truke.
Mauleko Chaumes gasnategian langile eta CGTko sindikatu ordezkaria izandako gizon baten kontrako lau salaketa dira pausaturik, eta Larraine gaineko Iratiko Txaletetan lankide ukandako bosgarren emakume batek ere gehitu du berea. Uztailaren 3an iraganen da auzia Pauen. Erasoa... [+]
Betharram ikastetxearekin lotutako sexu eta bortizkeria kasuak ikertzeko asmoz, Batzorde Ikerketa Independenteko kideek lekukotasunen bilketa abiatu dute
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.
San Roman auzoko jaietan bost neska adingaberi ukituak egiteagatik 18 urteko mutil bat atxilotu zuen Ertzaintzak Muxikan (Bizkaia). Udalak eta herriko Mugimendu Feministak elkarretaratzea deitu dute asteartean 20:30erako.
Akusazioa onartu, eta eragindako kalteengatik, kalte ordainak ordaindu dizkio: zigorra jaitsi diote, eta, beraz, ez du kartzelara sartu beharko. Beste gizon batek aitortu du bost urtez bikotekideari sexu abusuak egin zizkiola: zigorra jaitsi diote hamahiru urtetik laura, eta... [+]
Erasoa Loinatz jaietako azken egunean gertatu zen. Goierriko Itaiak elkarretaratze bat antolatu zuen gertakaria salatzeko.