Palestinarren egunerokoa are jasangaitzagoa bilakatu du koronabirusak
Epidemia hedatuz doa Zisjordanian zein Gazan: orotara 95 bat kutsatu eta hildako daude, martxoaren 26ko datu ofizialen arabera. Israelek inposatu okupazio eta blokeoek egoera okertu besterik ez dute egiten. Koronabirusaren epidemiari aurre egiteko zailtasun handiak ukanen dituzte palestinarrek.
Zisjordanian koronabirusaz kutsatutako 86 pertsona daude eta hildako bat, eta Gazan bederatzi kutsatutako, martxoaren 26ko datu ofizialen arabera. Koronabirusaren mehatxua haien errealitatean dute palestinarrek eta kezkaturik daude: Israelen okupazioagatik eta blokeoagatik are zailagoa izanen zaielako gaixotasunari aurre egitea. Demagun, hamaika motatako blokeoen artean, produktu desinfektatzaileak ekoizteko osagaien inportazioa blokeatzen die Israelek. “Galdera ez da ea Gazan epidemia hedatuko den baizik eta noiz zabalduko den”, dio kezkaturik osasun ministerioko Majdi Dohairek. Bi milioi palestinar bizi dira 40 kilometroko lur zatian metaturik. “Sute baten gisara hedatuko da epidemia: Gaza infernua bilakatuko da”, Le Monde egunkariari zehaztu dionez.
Osasun zerbitzua kinka larrian dute eta jada egunerokoari aurre egiteko zailtasunak dituzte. Koronabirusaren epidemiari ezingo liokete erantzun gaur egungo egoera mantenduz. Hori horrela, birusaren hedapena ahal bezain bat mugatzeko konfinaturik daude herritarrak. Hala ere, etxe hertsietan kopuru handietan, ur edangarririk gabe zein elektrizitate mugatuarekin ez zaie erraza konfinamendua. Eskolak, meskitak, jatetxeak, hainbat enpresa zein merkatu, leku publiko guztiak hetsirik dituzte eta mugak soilik produktu komertzialei irekita dira. Gazako gazteriaren %60a langabezian den testuinguruan egoera are okerrago bihurtuko da konfinamenduaren ondorioz.
Gaixo daudenen berrogeialdia segurtatzeko 21 zentro ireki ditu Gazak baina segurtasun sanitarioa ez dute bermaturik. Nazio Batuen Erakundeko afera humanitarioen bulegoak alarma piztu du: martxoaren 24an 1.400 ziren zentro horietan metaturik, ur eskasian eta material sanitario gutxirekin. Birusa hedatzeko arriskua handia dago gune horietan ere.
Zisjordania larrialdi egoeran martxoaren 5az geroztik
Zisjordanian ere hilabete bateko larrialdi egoera jarri zuen martxoaren 5ean Palestinako Aginte Nazionalak. Herritarrek etxean egon behar dute eta bakarrik zerbitzu minimoak dituzte segurtaturik: farmaziak, osasun guneak, okindegiak eta supermerkatuak. Turismoa ere debekaturik dute.
Preso palestinarrak kezkaturik
Kezka areagotu du jakiteak koronabirusaz kutsaturiko presoak daudela Israelgo hainbat kartzeletan. Gaixoak berrogeialdian ezarriak baldin badira ere, presondegietako gainpopulazioagatik laster hedatu daiteke birusa. Hainbat gobernuz kanpoko erakundek deitoratu dutenez, ez dago inolako neurririk harturik kartzeletako segurtasun sanitarioa bermatzeko eta are gehiago, bizi baldintzak gogortu dizkiete presoei: hamarnaka produktu –tartean produktu sanitarioak– eta elikagai dituzte debekaturik, senideen bisitak ezeztaturik dituzte, eta abar. Preso diren zaharren, umeen eta erien askatzea ez du onartu Israelek. Segurtasun sanitarioa exijitzeko eta koronabirusaren testuinguruan areagotu diskriminazioa eta errepresioa salatzeko protestan dabiltza hilabete hastapenetik presoak.
Itzuleraren Martxa Handiaren kari datorren astean egitekoak zituzten elkarretaratze eta manifestazioak ezeztatu dituzte. Etxean geratzeko manua luzatu diete herritarrei agintari palestindarrek. Aldarri gisa, Palestinaren bandera leihotik zintzilikatzeko gomita luzatu die ere.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.