Palestinaren aurkako genozidioa gelditzeko eskatu dute milaka lagunek Bilbon eta Iruñean
Yala eta Gernika-Palestina mugimenduek deituta kaleak bete dituzte Bilbon eta Iruñean. Hildakoak gogorarazteko performance bat eginda amaitu dituzte manifestazioak.
Milaka lagunek Bilboko eta Iruñeko karrikak hartu dituzte Palestinaren aurkako erasoak salatzeko. Yala eta Gernika-Palestina mugimenduek deituta Genozidioa stop! Europa ez izan konplize lelopean atera dira kalera, hilaren 8an, Europako Parlamenturako hauteskundeak egin baino egun bat lehenago. "Israel hiltzaile, Europa laguntzaile", "Hildako haur bakoitza gure haurra da", "Boikot Israel, Palestina askatu" eta "Gora palestinar herriaren borroka" gisako aldarrikapenak oihukatu dituzte. Amaieran, antolatzaileek gidatuta, lurrean etzanda eta begiak itxita gelditu dira manifestariak hildakoak gogorarazteko.
Antolatzaileek nabarmendu dute 40.000 hildako eta 70.000 zauritu eragin dituela Palestinaren aurkako sarraskiak eta manifestazioaren egunean bertan, larunbatez, Israelek Gazaren kontra egindako erasoan 200 hildako eta 400 zauritu eragin zituela. "Estatuen eta erakundeen konplizitatearekin herri oso baten suntsiketa ikusten ari gara", nabarmendu dute.
Jon Maia bertsolariak idatzi du manifestaziorako testua, eta euskaraz, gazteleraz eta arabieraz irakurri dute. Europar Batasunari eskatu diote Israelgo Estatu sionistarekin "ez aktiboki ez pasiboki" ez kolaboratzeko: “Europako Batasunari exijitzen diogu bere esku dagoen guztia egiteko basakeria hau amaitzeko. Nahikoa da!”.
Gobernuei presioa
Orain arteko keinuak ez direla aski eta gobernuei presioa egin behar zaiela nabarmendu du Lidon Soriano Nafarroako Yala mugimenduko kideak. Israelekin dituzten harremanak apurtzeko eskatu die agintariei: "Israelek nazioarteko araudia apurtu duen arren, oraindik ez du zigorrik jaso". Gogorazi du ere herritarrak "masiboki" eskatzen ari direla Euskal Herrian zein mundu osoan erasoak geldiarazteko: "Israelek hamarkadak daramatza apartheid eta okupazio sistema bat ezartzen".
Azahra Hag palestinarrak hartu du hitza Bilbon, eta erasoek eragindako kalteetan jarri du arreta: "Sarraskia amaituta ere, ezin dizkigute haurrak, aitona-amonak eta gurasoak itzuli. Sunitsutako gauza materialak berreskuratu daitezke, baina galdutako bizitzak ez".
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]