Palestinaren alde, Erandioko Carrefour merkatalgunean protesta egin dute hainbat ekintzailek

  • Erandioko Carrefour katearen merkatalgunean protesta egin zuen barikuan Khalas! Palestina Uribe Kostako taldeak, "Gazako sarraskian duen konplizitatea salatzeko". Ekintza horren bitartez, bezeroak informatu, kontzientziatu eta "Israelen kolaboratzailea" den enpresari boikota egiteko deia egin zuten.


2024ko maiatzaren 06an - 11:09

Aurpegia maskara zuriez estalita eta lurrean etzanda, iazko urritik Israelek Gazako Zerrendan abiatutako sarraskian hildako palestinarrak (35.000 inguru daborduko) gogoratu zituzten barikuan Khalas! Palestina Uribe Kostako taldeko kideek. Ekintza Carrefour merkatalgunean egin zuten, arrastian, "Israelen kolaboratzailea" dela seinalatzeko eta enpresari boikota egiteko deia zabaltzeko. "Gure asmoa hauxe da: genozidioa eta kolonizazioa salatzea, bezeroak informatzea eta kontzientziatzea, boikotera deitzea eta bertan mantentzea Carrefourek genozidioarekiko konplizitatea eta Israelekiko kolaborazioa eten arte. Bitartean ez gara bertatik aterako", adierazi zuten.

Ekintza egiten ari ziren bitartean, taldeko hainbat kidek bezeroak eta langileak informatzen aritu ziren, "Enpresako jabeak genozidioa laguntzen ari dira, hiltzaileei janaria dohainik ematen ari direnean, Gazako herritarrak gosez hiltzera behartzen ari diren hiltzaile berberei". Gainera, nabarmendu zutenez, korporazio frantziar horrek "Zisjordaniako kolonizazioa laguntzen ari da, palestinarren lurrak okupatu ondoren eraikitako herri berrietan Carrefour dendak ezartzen ari baitira".

 

Protesta egiten ari ziren bitartean, Ertzaintza hurbildu zen, eta ekintzaileetako bi identifikatu zituen, "merkatalgunearen barruan protesta egiteko eskubidea ez dagoela" adierazita. Hala ere, bertan jarraitu dute, arrastiko 20:00ak aldera arte; "ekintza amaitutzat eman dugu, baina genozidioa amaitu arte lanean jarraituko dugu", ohartarazi zuten.


Kanal honetatik interesatuko zaizu: Gazaren aurkako sarraskia
Nazio Batuen Erakundeko 193 kide hil ditu Israelek urritik, inoizko gehien

Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]


Dozenaka senideko familia ugari desagerrarazi dituzte sionistek

Gutxienez 60 familiak galdu dituzte 25 kide baino gehiago, Associated Press agentziaren ikerketa baten arabera. “Inoiz ikusi gabeko mailan” ari dira sionistak familia osoak hiltzen.


Israelek “zehaztasun handiz” ezagutzen zuen Hamasen u7-ko plana, Kan irrati publikoak informatu duenez

Erasoa baino hiru aste lehenago inteligentzia zerbitzuek banatutako txostenean agertzen da Hamasek “200 eta 250” pertsona artean bahitzeko asmoa zuela. Aldi baterako bertan behera utzi du urriaren 7ko segurtasun akatsei buruzko ikerketa Israelgo Auzitegi Gorenak.


Armada sionistak “geldialdi taktikoak” hasi ditu Gazako errepide nagusian, Netanyahuren iritziaren aurka

UNRWAk salatu du erasoek jarraitzen dutela Rafah-n eta ez direla aldatu operazio militarrak. Netanyahuk gerra kabinetea desegin du, dimisioen ondorioz.


Eguneraketa berriak daude