Palestinako Agintaritzak erresistentziaren kontra betetzen duen lana salatu dute berriz milizianoek
Palestinako Agintaritzaren segurtasun-indarrek rol aktiboa dute erresistentziako kideen kontra: jazarpena, lapurretak, boikotak eta abar aipatu dituzte, beste behin ere.
"Palestinako Agintaritzak Zisjordanian erresistentziako borrokalariak etengabe jazartzeak, haien armak konfiskatzeak, erasoaldietan okupazioari aurre egiteko segadak desegiteak (batez ere iparraldean) eta lehergailuak eraisteak berekin dakar okupazioari mesede egitea eta gure lurraren eta herriaren aurkako eraso basatian parte hartzea, modu praktikoan". Palestinako milizianoek gogor hitz egin dute berriz Palestinako Agintaritzaren (PA) kontra, erresistentziaren kontra betetzen duen funtsezko zeregina seinalatuta.
Izan ere, atzo bertan salatu zuten erresistentziako borrokalarien aurkako operazioak egiten jarraitzen duela PAk (Mahmud Abbas presidente palestinarra du buru), bere kontrolpeko segurtasun-indar polizialen bitartez. Hortaz, Israelgo Estatu sionistaren okupazio-lan kriminalarekin kolaboratzen segitzen du PAk, Palestinako erresistentziari hamaika oztopo jarrita.
Palestinako Agintaritza, konpromiso batean
Palestinako erresistentziak nabarmendu du "erresilientziaren kontrako kolpe bat" dela okupazio sionistarekin kolaboratzea, eta sekulako kaltea egiten diela horrek "palestinar herriaren sakrifizioei eta erresistentziari". Hala, palestinar erresistentzia antolatuak konpromiso batean jarri nahi izan du PA, ikusita, besteak beste, Zisjordanian ere areagotzen ari dela Israelgo Estatuaren oldarraldia.
Erresistentziak PAri eskatu dio bertan behera utz ditzala bere "portaera susmagarri eta onartezinak", eta lan egin dezala bere esku dauden "segurtasun-indarrek erresistentzian parte har dezaten", "okupazioari aurre eginez eta hura palestinar lurretatik kanporatuz".
Izan ere, hainbat susmo plazaratu dituzte milizianoek: esan dute, kasualitatea bailitzan, PAren polizia-indarren "kanpaina susmagarriak" bat egin duela Israelgo Estatuaren eta kolono sionisten azken erasoekin; eraso horiek, gainera, nabarmen areagotu dira Zisjordanian.
Urtebete igaro da, diotenez. Ez dut sekula ulertu mendebaldarrok daukagun ohitura harroputz hau: nahiz eta gatazkak ia mende bateko iraunaldia izan, datak nahierara moldatzen ditugu, garrantzia nolanahi oparituz. Azkeneko sasoia ezberdina izan al da beren lurraldean preso... [+]
Azken egunetan gutxienez Nazio Batuen Erakundeko bost kasko urdin zauritu ditu Israelgo armadak, UNIFIL Nazio Batuen Libanorako Indar Behin-Behinekoak duen egoitza nagusiaren kontrako erasoetan, Naqoura herrian. Netanyahuk esan du kasko urdinak “giza ezkutu” gisa... [+]
Ibaitik itsasora Palestina libre lelopean antolatu dute 24 orduko egitaraua Ipar Euskal Herriko hainbat herritarrek. Palestinako preso politikoen laguntzen dabilen Addammer elkarteari bidaliko diote bildutako diru guzia. Bertaratzeko deia zabaldu dute larunbatean egindako... [+]
Herriko supermerkatuetan salgai dituzten produktu eta saltokiei eskatu diete Israelen ekoitzitako produktuak saltzeari uztea: Arrasateko Eroskik eta Alcampok eskaria onartu dute; Lidl eta BMk ez. Elkarretaratzea egingo dute ostiral honetan Lidl supermerkatu aurrean.
Ingelesez zabalduriko bideo baten bidez eman die abisua Israelgo Lehen ministroak: Israelgo armadarekin kolaboratu ezean, libanoarrei ere bideratuko die palestinarrek pairaturiko "sufrikarioa".
Asteburuan Espainiako Estatuko hiri ugaritan egindako mobilizazioen harira, Israelgo Atzerri Gaietarako Ministerioak eta Israelen Espainiako Enbaxadak "terrorismoa goraipatzea" egotzi diote Espainiari.
Israelgo armadak bortizki egin du eraso igandetik astelehenerako gauean, Hamasen urriaren 7ko erasoaldiaren urtemugarekin bat eginez. Libanoko Beirut hiriburuaren hegoaldea bonbardatu du, eta Gaza erdiguneko beste ospitale bat ere bai.
Urtea bete da Hamasen urriaren 7ko erasoak gertatu zirenetik. Ordutik, Israelek Gaza suntsitu du eta guda inguruko herrialdeetara zabaltzen ari da pixkana. Urtebete honetako gertaera nagusiei errepasoa emango diegu kronologia honetan.
Ostegun arratsaldean hasiko dira baraualdiak, eta bost gune antolatu dituzte ekimenari lotuta: Bilbon, Altsasun, Donostian, Gasteizen eta Iruñean. Larunbat eguerdian, berriz, manifestazio handi bat egingo dute Bilbon, palestinar erresistentziarekin elkartasunez eta... [+]
Ez bazara gai ikusteko palestinarren belaunaldi ugariri Israelek egindako gehiegikerien eta Hamasen krimenen arteko lotura kausala, ez duzu arrastorik ere giza izaerari buruz.
Irailaren 17ko astean, Israelgo lehen ministro Benjamin Netanyahuk erabaki zuen Hezbollah-rekin Libanon zuen misil trukea beste maila batera eskalatzea, eta erabateko gerra hastea.
Astearte gauean Iranek ehunka misilekin egin dio eraso Israeli. Base militar eta azpiegitura energetikoen aurka zuzendu du erasoa. Gutxienez zazpi pertsona hil dira erasootan, CNNn irakur daitekeenez. Ez dago garbi Israelgo defentsa sistema zenbat misil neutralizatzeko gai izan... [+]
“Gerraren hurrengo fasea” hasi duela iragarri du Israelgo Armadak. Beirut hiriburuan, Gazan eta Sirian ere egin ditu bonbardaketak, eta Iran mehatxatu du berriz ere. AEBek jakinarazi dute soldadu gehiago bidaliko dituztela Ekialde Hurbilean dituen baseetara, Israeli... [+]