Israelek armak Palestinan probatu ostean saltzen dituela erakutsi du ikerketa batek
Israelen ekoiztutako teknologia militarraren eta segurtasun-teknologiaren hiru laurdenak esportatu egiten dituzte, eta euren markari “balioa eransteko” armak “konbatean probatuta” daudela ziurtatzen dute; Palestinako lur okupatuetan probatuta, alegia.
Espainiako Estatuak arma hauek erosten dizkie Israelgo hiru enpresari, besteren artean: mortero bonbak, Spike misilak, lurreko ibilgailuen dorretxoak, tankeetarako munizioa eta droneak. Espioitzarako softwareak ere bai, Pegasus programa, kasu. Israelek horiek guztiak nazioartean saltzeko erabiltzen duen estrategia da “konbatean probatuta” daudela baieztatzea. Horixe ondorioztatu dute Ainhoa Ruiz eta Alejandro Pozo ikerlariek, Konbatean probatutako negozioak. ‘Made in Israel’ marka esportatzea okupazioa mantentzeko eta injustizia normalizatzeko ikerlanean.
Astelehenean argitaratu dute lana, Centre Delàs d’Estudis per la Pau-en, Bartzelonako Udalak eta Generalitateak finantzatutako erakunde independentean, Eldiario.es-ek jaso duenez. Egileek salatu dute Israelek “konbatean probatutako” marka erabiltzea arrazoi nagusia dela gaitzesteko material horren produkzio, erosketa eta erabilera oro, baita kolaborazio oro ere.
Palestinarren zapalkuntza, balio erantsia emateko
Israelek saltzen dituen armak palestinarrekin probatzen dituzte, ikerketaren arabera: “Palestinak, batik bat Gazako zerrendak, urteak daramatza Israelgo material militarra probatzeko laborategi bihurtuta. Halaxe defendatzen dute autoritate israeldarrek, eta horrekin publizitatea egiten dute produktu horiek saltzen dituztenek”.
Ikerlariek ohartarazi dute balio erantsi gisa erabiltzen dutela “konbatean probatua” marka, eta armak Palestinako lurralde okupatuetan eta herritarrekin probatuta egotea nazioarteko salerosketak areagotzeko erabiltzen dutela. Gogorarazi behar da Israelek munduko industria militarrik indartsuenetakoa duela, eta zibersegurtasun sektorea ere aurreratua du, beste herrialdeekin alderatuta.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Gipuzkoako enpresak hainbat kontratu sinatu ditu Israelgo industria militarrarekin, eta diru publikoa jasotzen du ibilgailu elektriko bat garatzeko, Espainiako Gobernuak finantzatutako proiektu baten bidez.
Eskarmentu ikaragarria –hitzaren adiera etimologikoan, besteak beste– dugu europarrok arma-lehiaketetan. Eta, paradigmatzat hartu ohi denetik, XIX. mendearen amaiera eta XX.aren hastapeneko hartatik, mende eta laurden igaro denean arma-lehiaketa kartsuenera itzuli... [+]
Egoitza nagusia Basaurin duen enpresak IMI Systemi egin dio bidalketa. Armagintzan bakarrik aritzen da Israelgo Estatuko konpainia hori.
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
Aurreko artikulua amaitzeko, Euskal Herriko xahuketa eta gerrarako ekoizpenaren inguruan (EHXGE, edo industria militarra) hitz egiten denean Zedarriak eta Eusko Jaurlaritzak jorratu nahi ez duten helburu bat jarri genuen mahai gainean: Euskal Herrian egindako... [+]
Badira aste batzuk Europar Batasuneko presidente den Ursula von der Leyenek zortziehun mila milioi euroko gastu militarraren beharraren berri eman zuela. Gastu hori Europak jasaten duen mehatxu militar bati aurre egiteko omen da, eta mehatxu horri batasunez erantzun beharra... [+]
Moldaketari buruzko gure liburuan azaldu genuenez, aurreko mendeko 80ko hamarkadaren amaieratik Europako gastu militarrak behera egin zuela ikusirik, XXI. mendearen hasieran Europako heriotzaren merkatariek antolatzea erabaki zuten, eta eredu estatubatuarra imitatuz lobby moduan... [+]
PSOEren hainbat egoitza eta armagintzarekin lotura duten hainbat enpresa seinalatu dituzte, hala nola, ITP Aero, Dassault eta Lauak.
Azken aste eta hilabeteetan, mota guztietako erakunde politiko eta ekonomiko eta enpresarialek etengabe altxatu dituzte gerra-hotsak. Baina zarata burrunbatsu horren asmoa argi pentsatzen ez uztea eta beldurrak gure analisia nahastea balitz? Saia gaitezen errealitate hori... [+]
Israelgo IMI Systems enpresarekin Espainiako Barne Ministerioak egindako bala erosketa bertan behera uztea agindu du Pedro Sanchez Espainiako Gobernuko lehendakariak. PSOEren eta Sumar-en arteko gobernu koalizioan zegoen apurketa arriskua baretu du erabakiak.
Espainiako Gobernuak urte amaierarako Defentsara bideratuko duen gastua Barne Produktu Gordinaren %2 izango da: 33.123 milioi euro. Sánchezek adierazi du erabaki horrek "Espainiaren segurtasuna bermatzea" eta armadaren baliabideak "modernizatzea" dutela xede.
Urtearen hasieran, Zedarriak taldeak "defentsaren" industriari buruzko "eztabaida irekitzearen" alde egin zuen publikoki (baita nuklearrari buruz ere), eta Eusko Jaurlaritzak berehala egin du bat horrekin. Lehenik, Mikel Torres lehendakariorde eta Ekonomia... [+]
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]