Apirilaren 15az geroztik dabiltza gose greban, koronabirusaz babesteko neurriak eta materialak exijitzeko. Pendjab probintziako osasun arloko zuzendaritzaren egoitza okupatzen dabiltza.
“Gobernuak entzun arte jarraituko dugu gose greban” dio Salman Hasseb medikuak AFP berri agentziari. Apirilaren 15ean hasi zuten mugimendua, koronabirusaren kontrako babes-materiala exijitzeko. Osasunarentzako Aliantza Handia deitu sindikatuak akuilaturiko greba da. Ondokoa oroitarazten dabil sindikatua: “Lehen lerroan izanki, erizainak ez babestuz biztanleria guztia da arriskuan”.
Pendjab probintziako osasun arloko zuzendaritzaren egoitzan dabiltza protestan. Elkartasunez, hamarnaka manifestazio dira egunero Pakistanen. Orotara, hogeita hamar bat osasun langile dira gose greban. Baina haserrea eta babes-materialaren eskaera Pendjabetik haratago ere zabalduak dira. Demagun, Balutxistan probintzian ere egon ziren protestak apiril hastapenean. Errepresioarekin erantzun eta hainbat osasun langile atxilotu zituen poliziak.
Oraingoz, gose grebalarien beharrei ez die erantzun gobernuak eta protestak alde batera uztea eta "batasunari lotzea" eskatzen die osasun arloko zuzendaritzak.
100 milioi jende bizi da Pendjaben eta Pakistango probintzia jendetsua da. Koronabirusaz kutsaturiko 12.000 pakistandarren artean 5.000 dira bertakoak. Osasun arloko langileen sindikatu batek zehaztera eman duenez, sektoreko 150 bat langile dira kutsatuak.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.