Pablo Iglesias Europako hauteskundeetara aurkez daiteke
‘La Tuerka’ programako aurkezle Pablo Iglesias Europar Batasuneko hauteskundeetara aurkez daiteke “herri hautagaitza” batekin, Publico.es-en arabera.
Dioenez, soilik “herritarren parte hartze zuzena” duen zerrenda batean ikusten du bere burua. Horregatik, jendea “ikusle izatetik protagonista izatera” bideratuko duen ordezkaritzaren alde egin du.
Mugitu fitxa: haserrea aldaketa politiko bihurtu
Kulturaren, kazetaritzaren, akademiaren eta herrigintzaren inguruko pertsonekin batera abiatu du Mugitu fitxa: haserrea aldaketa politiko bihurtu egitasmoa, “herri subiranotasuna” aldarrikatu asmoz.
Hautagaitza argi ez badago ere, egitasmoak prentsaurrekoa iragarri du ostiralerako, eta Pablo Iglesiasek ere laster “zerbaiten berri” emango duela esan du bere Twitter kontuan.
Litekeena da ostiralean ezagutzera ematea alderdiaren nondik norakoak.
Informazio gehiago
Axier Lopez kazetariak ARGIAn egindako elkarrizketa, eta 2013ko Euskarabildua jardunaldietan hedabideen inguruan eskainitako hitzaldia.
Europarako Liberal eta Demokraten Aliantzak (ALDE) UPyD alderdia onartu du, talde berean dauden EAJ eta CDCren kontrako botoekin. Trukean, autogobernuari buruzko azpitaldea sortzea onartu du ALDEk.
Europako hauteskundeen ostean Syriza, Greziako ezkerreko koalizioa, herrialdeko lehen indar politikoa bihurtu da. Kostas Isychosek, alderdiaren kanpo politikaren arduradunak, “politika alternatiboentzako itxaropen boto” gisa deskribatu ditu emaitzak, Marta... [+]
EAJ eta EH Bilduren emaitzak bloke abertzalea biziki sendotu dute, eta jadanik joera da hori. Hegemonia lehiatzeaz gain, serio pentsatu beharko dute herrigintzaren ikuspegitik elkarlan sendoagoa jorratzea. Nafarroan, aldiz, emaitza hauek erakutsi dute posible dela PSNrik... [+]
Alderdi ultraeskuindar eta populistak indar handiz sartu dira euroganberan.Frantzian Fronte Nazionalak panorama politikoa astindu du, eta Espainian bipartidismoak galera itzela izan du.
Eduardo Muriel kazetariak Podemosek Europako hauteskundeetan izan duen arrakasta aztertu du La Marea hedabidean.