ARGIA.eus

2020ko maiatzaren 25a

Oxigeno-botilak egiten dituen eta itxita dagoen fabrika nazionalizatzeko eskatu diote langileek Macroni

  • Koronabirusak eragindako arnas-zailtasunei aurre egiteko hain baliagarriak diren oxigeno-botilak (eta leku batean baino gehiagotan falta dituztenak) egiten dituzte Frantziako Luxfer fabrikan. Itxita dago fabrika, eta bizi dugun egoerari aurre egiteko nazionalizatu dezala eta “berehala” berriro ere martxan jarri dezala eskatu diote bertako langileek Emmanuel Macron presidenteari.

ARGIA @argia
2020ko martxoaren 26a

Oxigeno-botilak egiten dituen fabrikak iaz itxi zituen ateak, diru-irabaziak izan arren dirudienez bestelako asmoak zituztelako nagusiek (koste baxuagoko eta etekin handiagoko produktuak ekoiztea). Europan bakarrik ez, Asian, Afrikan, Australian ere banatzen zituen oxigeno-botilak fabrika honek.

Orain, bizi dugun krisialdiaren aurrean, Frantziako Gobernuko presidentearen hitzak ekarri dituzte gogora langileek: “Pandemia honek argi utzi du badirela ondasunak eta zerbitzuak merkatuaren legetik at kokatu behar direnak”. Horregatik eskatu diote fabrika erabat nazionalizatzeko eta jarduna lehenbailehen jartzeko martxan, oxigeno-botilak behar dituzten lekuetara ahal bezain lasterren banatzen hasteko.

Covid19a duten gaixoak artatzeko ezinbestekoa den fabrika honen kontrola ez hartzeko gai izango al da Frantziako Gobernua? galdetzen dute El Salto Diariotik ekarri dugun artikuluan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Koronabirusa  |  Frantziako Gobernua

Koronabirusa kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude