“Ospitalean preso palestinarrak esku eta hankak lotuta eta begiak estalita dituzte egun osoan”
Israelgo mediku batek akusazio larriak egin ditu bertako gerra ospitale batean palestinarrei ematen dieten tratua dela eta: hanka eta eskuak esposatuta dituzte, anputazioak jasaten dituzte, pixoihaletan egiten dituzte haien eginkariak, eta lastotxo batekin elikatzen dituzte.
Urriaren 7aren ondoren eraiki zen Sde Teiman gerra ospitalea, Gaza eta Bersheeba hiriaren artean, Néguev basamortuan, eraso hartan parte hartutako palestinarrak artatzeko. Salaketa egin duen medikuak Israelgo Haaretz egunkariari jakinarazi dio han gertatzen dena. Egunkariak ez du haren izenik eman, baina ez da anonimoa, medikuak Israelgo Gobernuari eta Defentsa ministroari igorri baitie egunkariak argitaratutako gutuna.
Medikuak gutunean zehazten duenez, ospitale horretan ez dira Israelgo legeak betetzen ari eta borrokalari palestinarren eskubideak urratzen ari dira. Horrek ekartzen dio “ospitalearen sorreratik eta gaurdaino sarritan arazo etikoei aurre egin behar izatea”.
Salatzen duenez, ospitaleak ez du medikamentu eta osasun hornidurarik jasotzen modu ordenatu batean. Gaixo guztiek hankak eta eskuak eskuburdinez lotuta dituzte egun osoan, begiak estalita, lastotxo batekin jaten ematen zaie, eta horietako asko eginkariak pixoihalean egitera behartzen dituzte. “Baldintza horietan, dio medikuak, gaixo gazte eta osasuntsuek ere pisua galtzen dute aste bat edo biren buruan”.
Gaixo gehienak haien atxiloaldian izandako kalteen ondorioz doaz ospitalera, besteak beste, denbora luzez kateatuta egon izanak sortutako zauriengatik. Horrela, horietako askok ebakuntza kirurgikoak behar izaten dituzte. Haaretz-ek hiru iturrietatik jaso duenez, iaz preso bati eskua moztu behar izan zioten luzaroan kateatuta egondako zaurien ondorioz.
Haaretz-ek hainbat funtzionariorekin hitz egin du gaiaz eta guztiek oso seriotzat hartzen dituzte medikuaren akusazioak eta, haien ustez, ikertu egingo dira. Israelgo Armadaren ustez, aldiz, ez da ikerketa sakonagoa ireki egindako ikerlanetan ez delako delitu aztarnarik aurkitu: “Atxilotu bakoitzaren artatzea dokumentatuta eta gainbegiratuta dago, eta atxilotuen duintasun humanoagatik muturreko arretarekin zaintzen da. Terrorismo susmagarrien artean badira oso arriskutsuak, eta horiek edozein israeldarri egin nahi diote min, baita medikuei beraiei ere”.
Osasun Ministerioko funtzionario baten esanetan ere, “Sde Teiman-en jasotako osasun arreta bat dator Israelek sinatutako nazioarteko arau eta itun guztiekin”.
Israelgo HaMoked giza eskubideen aldeko elkartearen esanetan, apirilaren 1ean Gazan atxilotutako 849 preso palestinar ziren Israeleko espetxeetan.
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]