“Israelek Gazara heltzea eragotzi nahi badigu, indarrez egin beharko du”
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean lehorrera itzuli dira eguraldi txarra medio, baina astelehenean irtengo dira berriz ere, ontzietako batean doan Itziar euskal ordezkaritzako kideak ARGIAri azaldu dionez.
Igandean, ekimenari babesa adierazi eta ontziei agur kolektiboa egiteko eguna antolatu du Global Sumud ekimenak Bartzelonan. Euskal Herritik hiru autobus irten ziren larunbat gauean. Eguna “pasada bat” izan dela azaldu du Itziarrek: “Milaka pertsona batu ginen, jendetza, eta emozio kolektibo handia nabari zen, jendearen begietan islatzen zen”.
Global Sumud Flotilla Euskal Herria mugimendutik lau ordezkari igo dira ontzietara –beren izen-abizenak ez ematea erabaki dute, “arreta Gazan jarrita egon behar duelako”–, gehiago ere baziren prest, baina ez zegoen tokirik guztientzat. Arazo orokorra izan da, antolakuntzatik adierazi dutenez: Bartzelonatik orotara 47 nazionalitatetako 300 aktibista inguru abiatu dira, baina 2.000 pertsonak eman dute izena.
Hogei egun inguru Gazara heltzeko
Aurreikuspenen arabera, Bartzelonako portutik astelehen gauean irten eta hogei egun inguru barru helduko dira ontziak Gazara. Bidean, Mediterraneoko beste hainbat herrialdetatik itsasoratutako dozenaka ontzi gehiago Flotillara batzen joango dira. Hedabidetan argitaratutakoaren arabera, uste da Italia, Grezia eta Tunezekoak izango direla, baina antolakuntzak ez du zehaztu.
Hainbat ontzidi antolatu dira azken urte eta hilabeteetan Gazan laguntza sartu, blokeoa apurtu eta genozidioa salatzeko helburuarekin, baina ontzi bakarrez edo gutxi batzuez osatutakoak izan dira (ARGIAren kanal honetan daude irakurgai horietako batzuen inguruko informazioak). Israelek denen aurka egin du, ontziak itsasoratu aurretik sabotatuta, presio diplomatiko bidez beste herrialde batzuen debekuak behartuta, edo ontziei nazioarteko uretan eraso egin eta ekintzaileak kolpatu edota atxilotuta. Lehenbiziko ontzidia 2010ean antolatu zuten: Israelek gauez egin zion eraso Turkiatik irten zen ontziari, eta bederatzi pertsona hil zituzten militar sionistek.
“Nazioarteko legedia betetzen ari gara”
“Badakigu nola jokatu duen Israelek orain arte”, azaldu dio Itziarrek ARGIAri, “baina inoiz ez dute horrenbeste ontzik eta militantek parte hartu flotillan, eta inoiz ez du lortu oraingoa honen oihartzun komunikatiboa”. Baikor azaldu da: “Gure helburua Gazara heldu eta blokeoa apurtzea da. Nazioarteko legedia betetzen ari gara, gure aurka egiten badu Israel izango da legedi hori urratzen duena”. Aurreikustekoak diren zailtasunen aurrean, Global Sumud Flotillak erabakitasunez jokatuko duela iragarri du: “Israelek mehatxatzen bagaitu, aurrera jarraituko dugu; Gazara heltzea eragotzi nahi badigu, indarrez egin beharko du”.
Hemen El Salto-k argitaratutako hainbat argazki, lizentzia libreei esker ekarriak:
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Gaza Hiria osorik okupatzeko onartu berri duten planaz kezkatuta, milaka israeldarrek Benjamin Netanyahu Israelgo lehen ministroari exijitu die Hamasekin akordio batera iristeko "gerra amaitu" eta zerrendan dituzten bahituak aske uzteko. Herrialdeko lehen... [+]