Jerusalemgo tranbiaren proiektuaz “gogoeta etikoa" eskatu dio CAFi Pradales lehendakariak
Kontratua segi ala eten, enpresaren erabakia "errespetatuko" lukeela argi utzi nahi izan du Imanol Pradales lehendakariak, Euskadi Irratiari egindako elkarrizketan. Beasaingo enpresaren akzioen %3ren jabe da Eusko Jaurlaritza.
Ondokoa ohartarazi du Imanol Pradales lehendakariak: "Agian, CAFek hausnarketa etikoa egin beharko luke", estatu sionistarekin duen hitzarmenari dagokionez. Irailaren 3an Euskadi Irratiari eskainitako elkarrizketan egin ditu adierazpen horiek. 2019az geroztik, JLR Jerusalemgo tranbiaren proiektua aitzina eramaten dabil Beasaingo enpresa, Shapir enpresa israeldarrarekin bazkidetuta eta 1.800 milioi euroko kontratu batekin.
Beasaingo enpresaren akzioen %3ren jabe da Eusko Jaurlaritza, eta Pradalesek zehaztu du kontratuari buruzko "gogoeta" bat eramaten dabilela enpresa. Kontratua segi ala eten, enpresaren erabakia "errespetatuko" lukeela argi utzi nahi izan du elkarrizketan. Ondokoa ere erran du: "Kontu delikatua eta konplexua da. Ez da zuria edo beltza".
Badirudi orain arteko postura doia aldatu duela Eusko Jaurlaritzak: "CAFek gobernu korporatibo indartsua dauka, eta nazioarteko legedia guztiz betetzen du", adierazi zuen ekainean Eusko Jaurlaritzako Industria, Trantsizio Energetiko eta Jasangarritasuneko sailburu Mikel Jauregik, Gobernu Bilkura osteko prentsaurreko batean.
Francesca Albanese Palestinar Lurraldeentzako NBEn errelatoreak ekainean argitaratu zuen Okupazioaren ekonomiatik, genozidioaren ekonomiara izeneko txostenaren aurrerapena, eta bertan hainbat sektoretako multinazionalak eta bankuak seinalatu ditu genozidio horren kolaboratzaile eta konplize gisa. Zerrendan dago CAF enpresa. Salaketa horrek talka egiten du CAFek zabaldutako mezuarekin, hain justu, zuzendaritzak baitio tranbiak ez duela gutxiengo etnikorik diskriminatzen eta are gehiago, edonorentzat irisgarria dela. Horrez gain, 2024an Nazioarteko Justizia Auzitegiak emandako epaiak ebatzi zuen Israel ezin dela okupatutako lurraldeetan egon, eta gobernuak behartuta daudela okupazio hori bermatzen duten proiektuekin harreman ekonomiko edo komertzialak etetera.
Otegiri ere galdera bera
Arnaldo Otegiri ere egin dio elkarrizketa Euskadi Irratiak irailaren 2an, eta CAFen Jerusalemgo tranbiaren proiektua izan dute aipagaien artean. Palestinako genozidioa salatzeaz gain, CAFen kontratu horri so egin eta "maila ekonomikoan kaltegarria" izan daitekeela ohartarazi du EH Bilduko idazkari nagusiak, zehaztuz beste milioi askoko kontratu bat lortu berri duela Beasaingo enpresak Belgikan, eta zalantzan jartzen ari direla, hain justu, Israelekin elkarlanean ari direlako. Bere irudiko kontratua eten ahalko luke Beasaingo enpresak.
Maria Ortegaren Apartheid isilaren geltokiak erreportajea plazaratu genuen ARGIAren 2.922 zenbakian. Hemen Jerusalemgo trambia egitasmoa:
Zientzia-dibulgazioa saritzeko erreferentziazko sariak izan dira CAF-Elhuyarrekoak. Antolatzaileek 31. edizioa martxan zegoela etetea erabaki dute, "sariketa behar bezala egiteko baldintzarik ez dagoelako".
Beasaingo enpresak 1.695 milioi euroko kontratua lortu du Belgikako SNCB-NMBS tren konpainia publikoarentzat 54.000 plaza dituzten bagoiak egiteko. Baina aurretik, belgikar konpainiak eskatu dio bere jarduerek nazioarteko zuzenbidea eta giza eskubideak errespetatzen dituztela... [+]
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize bere azken txostenean, eta horien arduradunak ikertzeko eskatu du... [+]
Bi gai mahai gainean, ezinbestean.Batetik, CAF eta Palestina. Bestetik, PSOEren bueltako ustelkeria sarea. Nondik hasi eta non bukatu ere ez dakit, bulkadez betetako artikulua izango dela jakinda.
Nazio Batuen Erakundeak 40 enpresa salatu ditu, CAF tartean, eta Gazako... [+]
NBEren txosten batek azaldu du Beasaingo enpresak lagundu egiten duela Israelgo legez kanpoko kolonien hedapenean. Amnistia Internazionalek deialdia egin die gobernuei “urgentziaz” esku hartu dezaten txostenaren ondorioekiko.
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize, eta horien arduradunak eta goi karguak ikertzeko eskatu du.
Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.
Mundu guztia Gazari begira ari da orain. Baina Palestina ez da lur hori bakarrik. Bada beste lurralde bat, izen bera duena, ostutako lurren atzean, moztutako gorputz adarra nola begiratzen diona galdutako lurrari: Zisjordania, eta, egoera are bereziagoan, Jerusalem. Lurralde... [+]
CAFek urteroko akziodunen batzarra egin duen egun berean, Jerusalemgo trenaren martxan duen tren proiektua bertan behera uztea exijitu diote Donostian eginiko manifestazioan. Amnesty Internationalek hitza hartu du tren ekoizlearen akziodunen batzarrean, eta Israelen "legez... [+]
Okupatutako Jerusalemgo Ekintza Nazional eta Zibileko batzordeak jakinarazi du trenaren bigarren fasearen hasiera, eta gaitzetsi egin du kokalekuen arteko komunikazioa indartzea duelako helburu. Zisjordanian 22 kokaleku berri ezarriko dituela adierazi du Israelek.
Larunbatean egindako prentsaurrekoan adierazi dute manifestazioa ekainak 14an Donostian egingo dutela. 130 kolektibo, alderdi politiko eta sindikatu batu zaizkie eta "atxikimendu kanpaina oraindik zabalik dagoela" gogorarazi dute.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]