Osakidetzako Giza Baliabideen Saileko arduradun baten emaztea Larrialdi Zerbitzuetako zuzendari izendatu zuten

  • Monica Elena Zarate, Osakidetzan postu ziurrik gabe eta sektorean esperientziarik izan ez arren, ibilbide luzeko beste hainbat hautagaien aurretik aukeratu dute, eldiario.es-en jaso dutenez.


2018ko azaroaren 13an - 11:20
Jon Darpon Osasun sailburua.

Osakidetzako Larrialdi Zerbitzuetako zuzendari berri izendatu zuten Monica Elena Zarate abuztuaren 2an, izen eman zuen lanposturako aurretik esperientziarik izan gabe. Izendapena publikatu baino egun batzuk lehenago egin zen lehiaketan, curriculum luzeko eta oraindik Larrialdi Zerbitzuetan erantzukizunak dituzten beste sei profesionalen hautagaitzei gailendu zitzaien Zarate. Orain, eldiario.es-ek publikatu duenez, emakumeak zuzeneko harremana du izendapena adostu zuten Osakidetzako Giza Baliabideen Saileko arduradunetako batekin.

Larrialdetako Zerbitzuetako zuzendaritza posturako egin zen deialdiko betebeharretan “unibertsitateko titulua” eta “administrazio eta zuzendaritzan esperientzia” izatea aipatzen zen, prestakuntza-mota eta esperientziaren esparrua zehaztu gabe. Lanpostuaren eskaintza, langile “finkoei” eta “beste” profesional batzuei zuzendu zitzaien.

Larrialdi Zerbitzuetan izan diren polemikek funtzionario batzuen artean haserrea sortu dute eta urriaren amaieran Txema Unanue sektoreko arduradun nagusiaren dimisioa eragin dute, besteak beste. Unanue oso kritikoa izan da zerbitzuaren berrantolaketarekin.

 

Osakidetzako oposizioak hobetzeko proposamenak

Jon Darpon Eusko Jaurlaritzako Osasun sailburuak eta Maria Jesus Mugica zuzendari nagusiak, Osakidetzako oposizioen “erreforma sakona” agindu eta horretarako neurriak aurkeztu dituzte Legebiltzarrean. Neurririk aipagarriena, esklusiboki oposizioen kudeaketaz arduratuko den hautaketa unitate "espezializatu" eta "etengabeko" bat Giza Baliabideen Sail barnean sortzea izango da. Horretarako, Administrazio Publikoen Euskal Institutuaren eta kanpoko "adituen" laguntzaz baliatuko dira eta datorren hamar urteetan 15.000 pertsona kontratatzea espero dute Jaurlaritzatik.

Guztira aurkeztu diren 68 neurrien artean, azterketa dataren aurretik “konfidentzialtasuna” eta “segurtasuna” bermatzea helburu duten neurriak edo komite ebaluatzailea “zoriz” hautatzea zehazten diren proposamenak ere planteatu dituzte.


Kanal honetatik interesatuko zaizu: Iruzurra Osakidetzan
2023-07-20 | Ilargi Manzanares
Osakidetzako EPE berriak “intzidentziekin” hasi dira

Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.


2022-10-07 | ARGIA
Osakidetzako aurreko zuzendaritza ez dute auzipetuko EPEaren filtrazioen harira

Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.


2022-02-02 | ARGIA
LABek helegitea jarriko dio Osakidetzako LEPeko filtrazioen auziko azken autoari

Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".


2021-11-05 | Leire Artola Arin
ELAk salatu du 3.500 lanposturekin ez dela konponduko Osakidetzako 24.600 behin-behineko langileen arazoa

3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]


Osakidetzako filtrazioen auzian zuzendaritza taldeko Darpón eta Mugika ikertzeari uko egin dio magistratuak

LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.


Eguneraketa berriak daude