Iñigo Urkullu jarduneko lehendakariak eman du erizainaren heriotzaren berri. Astebetez ospitaleratuta egon eta gero gertatu da ezbeharra. Familiari eta bere hurbilekoei babesa erakutsi die, eta gizarteari “konpromisoa” eskatu dio, neurriak zorrotz bete ditzan.

Eusko Jaurlaritza, Hego Koreako ereduari jarraituz, mugikorretarako aplikazio bat garatzen ari dela iragarri du. Horrez gain, Gurutzetako ospitaleak koronabirusaren sendabidea aurkitzeko nazioarteko ikerketa batean parte hartu duela adierazi du aste honetan.