Oñatiko Udalak herriko bost gaztek jasandako erasoaz azalpenak eskatuko dizkio Ertzaintzari
Ostiral goizean argitaraturiko prentsa-oharrean jakinarazi dutenez, datorren astean Bergarako ertzainen egoitzako arduradunekin bilduko dira Oñatiko Udaleko ordezkariak.
Ekainaren 15eko gauean kalez eta uniformez jantzitako ertzainen erasoak salatu zituzten Oñatiko bost gaztek. Oñatiko Udala dokumentaturik gabe dagoen gertakari honen inguruko argibideak jaso nahian aritu da aste osoan.
Gazteei gertatutakoaren inguruko azalpenak "prestutasun eta xehetasun osoz" jaso dituztela aipatu dute oharrean. Hala ere, Ertzaintzaren bertsioa jakitea orain arte ezinezkoa izan zaiela ere jakinarazi dute, ·taberna batean izandako liskarra besterik ez dutela aktan jasota" adierazi baitute.
Honenbestez, gertakaria argitzeko nahiarekin bilduko dira udaleko ordezkariak Bergarako ertzain etxeko buruekin. Alde bietako testigantzak batu ondoren erabakiko du Oñatiko Udalak beste urratsik eman beharko duen edo ez.
Oñatiko Udalaren prentsa oharra:
Ospa Eguna! desmilitarizazioaren eskaera agenda politikoan kokatu duen eguna dela baieztatu dute antolatzaileek, eta adierazi bide horretan jarraitu behar dela "Euskal Herriaren erabakitzeko eskubidea ukatua eta zapaldua dirauen bitartean". Bideo bat zabaldu dute... [+]
Asteazken arratsaldean Vox espainiar alderdi ultraeskuindarrak ekitaldia egingo du Oñatin, Eusko Legebiltzarreko hauteskundeen testuinguruan, eta mugimendu antifaxistak elkarretaratzeko deia luzatu du.
Ekainaren 15eko gauean kalez eta uniformez jantzitako ertzainen erasoak salatu dituzte Oñatiko bost gaztek. "Jare Kuartela Eguna"-ren amaieran gertatu zen, Oñatiko gaztetxeko inguruetan.
Kalez eta uniformez jantzita zeuden hamarren bat ertzainek borra luzagarrien laguntzarekin amorru kolpez, indarkeriaz eta irainez beterik jipoitu zituztela adierazi dute gazteek. "Jare Kuartela Eguna"-ren amaieran eman zen gertakaria.