Espainiako eta Frantziako indar armatuak Euskal Herriak sufritzen duen zapalkuntzaren adierazgarri nagusietakoak direla salatu dute Oñatiko Fan Hemendik Eguna antolatzen ari diren lagunek. “Urte luzez gure lurretan nagusitasunez eta zigorgabetasunez modu bortitzean jardun dute eta oraindik ere beraien papera estatuen batasuna eta asimilazio prozesua bermatzea da, nazio eta klase zapalkuntza betikotzearekin batera”. Euskal herritarron etorkizuna modu libre eta demokratikoan ez erabakitzea lortu nahi dutela dio ekimenak, izan ere, haien presentziak ez daukalako “errepresioa eta estatuen batasuna bermatzea beste justifikaziorik”.

Nahiz eta ETAren borroka armatua iraganeko kontua izan, Euskal Herria dela Europako lurralde militarizatuena eta biztanleko indar armatu gehien dituena kritikatu dute eta horrek hainbatetan salatu dituzten “hilketak, torturak, mehatxuak, jarraipenak, kolaborazio eskaerak, errepidetako kontrol bortitzak eta giza eskubideen urraketa larriak” eragiten dituela. Herri honek bakean bizi nahi duela eta horretarako Euskal Herrian indar okupatzailerik ez egotea eskatu dute.

Herritar guztiak Oñatin ekainaren 14an antolatu dituzten ekintzetan parte hartzera deitu dituzte. Jarraian egitarauaren kartela: