Olatu erraldoia Donostian, euskal presoen eskubideak aldarrikatzeko

  • Milaka pertsonak babestu du Orain Presoak dinamikak antolaturiko “inoizko manifestazio pluralena”, euskal presoen kartzelaratze auziari konponbidea ematea eskatzeko.


2018ko urriaren 22an - 11:36
Donostiako manifestazioa kontxako pasealekuan. Argazkia:@larbelaitz

40.000 herritar inguru bildu dira Orain Presoak dinamikak Donostian antolaturiko mobilizazioan, presoen eta ahaideen sufrimenduaz behin-betikoz amaitu eta elkarbizitzarako bidea sendotzea helburu.

Manifestazioaren eragileen artean, euskal alderdi politiko nagusiak, sindikatu ugari eta euskal gizarte zein kulturako erreferentziak izan ziren: EAJ, EH Bildu, Elkarrekin Podemos, EH Bai, EELV, ELA, LAB, CCOO, UGT, Foro Soziala, Bake Bidea, Sare, Etxerat, Gure Esku Dago besteak beste.

Espetxe auziari konponbidea ematen hasteko Espainiako Gobernuari egindako “premiazko” eskakizunak, urrunketa politikarekin amaitu, larri gaixorik diren presoak etxeratu, lehen graduaren iraunkortzea eten eta gradu aldaketak ahalbidetzea direla adierazi dute Orain Presoak dinamikatik.

Estrasburgora begira

Indarrik gabe geratu daiteke euskal presoen kondenak luzatzeko Espainiako Gobernuak erabili duen azken trikimailua. Estrasburgoko Europako Giza Eskubideen Auzitegiak presoek Frantziako espetxeetan igaro dituzten urteak kondenaren parte kontatzea edo ez erabakiko du astearte honetan. Ebazpenak hamar euskal presoren askatasuna eta beste horrenbesteren espetxe zigorrak txikitzea eragin dezake.

Jarraian Ekinklik-ek larunbateko manifestazioan ateratako argazkiak:

 


Kanal honetatik interesatuko zaizu: Herri mugimenduak
Nola obedituko diot eroari

1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.


Zapi morea

Andre zahar dotorea senarraren besotik zihoan gurutzatu ginenean. Bistaz ezaguna, oker samar zegoela ikusi nuen, adinaren ajeak. Benetako señora eibartarra: perlazko lepokoa; ilea kardatuta harro-harro, ostirala izanda, ile-apaindegian goizean egon zela ezagun zuen. Gure... [+]


Gorputz hotsak
"Filmak ez daude gorrentzat eginda; euskara ez dakitenentzat eginda daude"

Jende askorekin eta elkarrizketaz inguratuta dagoenean isil-isilik edo ohi baino isilago egoten da Irati Erauskin (Hondarribia, Gipuzkoa, 1996). Horregatik, “oso irekia” den arren lotsatia dela uste dute batzuek. Entzumen urritasuna dauka, eta batzuetan “oso... [+]


“Denbora deskolonizatzea metatze kapitalistari uko egitea da”

Adriana Guzmán Arroyo herri-hezitzaile aymara eta Boliviako feminismo komunitario antipatriarkaleko erreferentearekin batu eta kolonialismoa, arrazismoa, estraktibismoa, nahitaezko heterosexualitatea, familia, komunitatea, Estatua eta pribilegioak izan ditugu mintzagai,... [+]


Bonbak eta munizioa jaurtiko dituzte aste guztian Bardeako tiro poligonoan

Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]


Eguneraketa berriak daude