Euskal Herriko historiako greba luzeena amaitu dute Novaltiako langileek, akordioa lortu ondoren
Hiru urte eta zortzi hilabeteko borrokaren ondoren, Novaltiako langileek amaitu dute greba, kooperatibako zuzendaritzarekin akordioa lortuta. Kaleratzerik ez da izango eta kalte-ordaina jasoko dute langileek, Berria egunkariak jaso duenez.
Novaltia botika banaketako kooperatibaren Zamudioko lantegian greban zeuden hogei langileak euren lanpostuetara itzuliko dira, 1.345 egunez greba egin ondoren. Akordioa lortu dute enpresako zuzendaritzarekin, eta horren arabera, kaleratzerik ez da izango eta kalte-ordainak ere jasoko dituzte.
Ostegunean eman ditu xehetasunak ELA sindikatuak, Bilboko bere egoitzan, eta esan du soldatak %26,7 igoko dituztela langileek; prekarioenen kasuan %33,7koa izango da igoera. Gainera, langile bakoitzak 9.450 euroko kalte ordaina jasoko du.
Goiz partean Berria-k aurreratu du akordioaren albistea. Imanol Magro kazetariak azaldu duenez, bizpahiru lagunek borondatezko kaleratzea onartu dute, pizgarriekin, eta gainerakoen itzulera "blindatzea" lortu dute: "Abokatuentzat baldintza oso garrantzitsua da, ez delako erraza lanpostura itzultzea ia lau urtean greba egin ondoren".
Besteak beste, langileak salaketa jarri ahal izango du enpresa bere aurka ari dela ikusiz gero, "grebarekin zuzenean edo zeharka lotutako jarduerengatik inolako errepresaliarik edo diziplina neurririk ez hartzeko konpromisoa" hartu baitu zuzendaritzak, sindikatuak jakinarazi duenez.
ELA aritu da hasieratik langileen ondoan borrokan eta aholkularitza ematen; langileek ez ezik, sindikatuak ere kalte-ordainak jasoko ditu –egun bakoitzeko euro bat, 1.345 euro–. Auzi luzean izandako hainbat ebazpenek derrigortzen dute kooperatiba horretara.
Lan baldintza eta ordutegi prekarioak eta soldata eskasak salatzeko hasi zuten greba Novaltiako langileek 2019ko uztailean. Hortaz, Euskal Herriko historiako greba luzeenari –eta Europan egun indarrean zegoen luzeenari ere– amaiera emango diote akordio honekin.
Ostiral honetan manifestazioa antolatu dute Gasteizko lorezainek, greba mugagabea hasi zutenetik sei hilabete beteko diren egunean. “Gatazka konpontzeko aurrerapausoak urriak izan dira”, salatu du enpresa batzordeak aste hasieran. Irtenbide bakarra “soldata... [+]
Garnica taldeak egin nahi dituen 39 kaleratzeen aurka hasi dute greba mugagabea Laudioko egur fabrikako langileek. Goizean bilera izan du Enpresa Batzordeak Garnicako zuzendaritzako kideekin, eta langileek txistu artean jaso dituzte.
Hala iragarri dute langileek ostegun arratsaldean Laudion eginiko mobilizazioaren amaieran.
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Greba eguna da gaurkoa Ipar Euskal Herrian zein Frantziako Estatuan. "Dena blokeatzeko" mobilizazioaren kari, 50 bat lagunek ekintza bideratu dute Miarritzen, Hotel du Palais luxuzko hotelaren atarian. Bi lagun atxilotu ditu Poliziak.
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
