Nobel saria jaso du ICANek Oslon arma atomikoen debekua lortzeko lanagatik

Pello Zubiria Kamino @pellozubiria
2017ko abenduaren 11
Ezkerretik hasita, Nobel batzordearen ordezkaria eta saria jasotzen ICANeko Satsuko Thurlow eta Beatrice Fihn. (Argazkia: Nobel Prize)

Mundu osoko 98 herrialdetako 440 gizarte erakundek osatzen duten ICAN Arma Nuklearrak Debekatzeko Nazioarteko Kanpaina koalizioa justu urte honetan ari da lortu nahian Nazio Batuen Erakundeak nazioarteko lege bihurtzea arma atomikoen debekua. Orain artean 122 sinatu dute iazko abendutik negoziatzen aritu diren proposamena. Paradoxikoki, Nobel sariak ematen dituen Noruegak berak ez du sinatu nahi izan debekua, OTANeko gainerako potentziek –Espainia eta Frantzia barne– eta bonba atomikoa daukatenek –Txina, Errusia, India, Israel...– sinatu ez duten moduan.

Nobel sariak ematen dituen batzordeak adierazi duenez, "ICANek jasoko du saria hainbeste lan egin izanagatik arma nuklearren erabilerak ekar dezakeen hondamendi humanitarioaz ohartarazten eta aitzindari lana egin duelako arma horien debeku-ituna lortzeko bidean".

ICANen izenean saria hartzera erakundearen idazkari nagusi Beatrice Fihn batera azaldu da Setsuko Thurlow japoniarra, Hiroshiman AEBek lehen bonba atomikoa lehertu zutenean oso hurbil egon arren bizirautea lortu ondoren arma nuklearren kontrako ekintzaile nabarmena izan dena. "Erori ondoren altxatu egin gara –esan du–  eta esan dugu: ezin dira elkarrekin bizi gizadia eta arma nuklearrak. Arma nuklearren garatzeak ez du nazio bat bere handitasunera jasotzen, baina hondoratzen du txarkeriaren amildegi ilunenera. Arma horiek ez dira beharrezko gaiztakeria bat, gaiztakeriarik handiena baizik. Lortu dezagun hau izatea arma atomikoen amaieraren hasiera".

Bakearen Nobel saria emateko hitzaldi guztiak ikus-entzun daitezke antolatzaileen bideo honetan:

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Arma nuklearrak  |  Bakearen Nobel Saria

Arma nuklearrak kanaletik interesatuko zaizu...
2018-08-30 | ARGIA
1945etik 1980a arteko froga atomikoen eraginez 2,4 milioi jende hilko dira

Froga Atomikoen Kontrako Nazioarteko Eguna ospatu da abuztuaren 29an mundu osoan. Bertan, Nazio Batuen Erakundeak arma atomikoak debekatu ditzan kanpainan ari den ICAN erakundeak oroitarazi du 2,4 milioi jende hilko direla munduan 1945tik 1980ra bitartean munduko potentzia handiek beren armak frogatzeko egin dituzten 2.000tik gora leherketen ondorioengatik.


Ikara Pazifikoan: eraso atomikoa iragarri dute Hawaiin... ez kasualitatez

Urtarrilaren 13an, larunbata, beren bizitzako estutasunik larriena jasan zuten Hawaii uharteetako herritar askok, Ozeano Barean. Ipar Koreak bere mehatxua gauzaturik misil atomikoa bidalita, Hawaiira bidean zela abisatu zieten agintariek. 30 minutuz iraun zuen alarmak, harik eta agintariek argitu zuten arte simulazio batean gertatutako hutsegitea izan zela. Litekeena da, hala ere, hutsegitea baino zerbait gehiago izatea, munduak bizi duen arma atomikoen norgehiagokaren erdian.


Oscar Temaru Polinesiako politikari eta aktibista
"Nazio hau ez zitzaien modu baketsuan eman frantziarrei, beraiek dioten moduan"

Oscar Temaru politikari eta aktibistak (Tahiti, Polinesia Frantsesa, 1944) bizitza osoa eskaini dio bere nazioari. Polinesiaren Askatasunerako Frontea sortu zuen 1979an, Polinesiako presidente izan zen 2004-2013 artean, eta 34 urte daramatza Faa Polinesiako komunitaterik handieneko alkate. Bi helburu ditu: Frantziak Moruroa uhartean eginiko proba nuklearrak munduan salatzea eta Frantziarengandik independentzia lortzea.


2018-01-03 | ARGIA
Arma nuklearrak eta erreferentzia falikoak: kontua ez da Trump-en txioekin hasi

“Nire botoi nuklearra askoz handiagoa eta ahaltsuagoa da”, adierazi du Twitter bidez Donald Trump AEBetako presidenteak, Kim Jong-un Ipar Koreako liderrari erantzunez. Askoren arreta deitu du Trumpen jarrerak, baina Anoosh Chakelian-ek New Statesman-en nabarmendu duenez, hizkera faliko hori ez da berria arma nuklearren alorrean.


2017-10-06 | ARGIA
Arma nuklearrak indargabetzeko kanpainak irabazi du 2017ko Bakearen Nobel saria

Arma hauen “eragin katastrofikoa” azpimarratu dute Bakearen Nobel saria ICAN elkarteari emango diotela jakinarazi dutenean. Horrez gain elkarte honek arma hauek debekatzeko egindako lan eskerga ere eskertu dute.


Trump eta Kimek nola ekarri gaituzten gerra nuklearraren atariraino

Ez zaie jaramonik egin behar Ipar Koreako diktadura barregarri uzten duten irudiei: herrialde txikiaren eta munduko potentzia nagusiaren arteko tirabirak 2017ko udan mundua eraman dute krisi atomiko larri baten ateetaraino. 1962an Kubako misilen krisian AEBek eta Sobietar Batasunak gerra atomikoa ia piztu zutenetik ez omen da hain egora arriskutsua bizi izan. Udazkena iristear, ez da ikusten nola baretu Ekialde urruneko sute arriskutsua.


Bonba atomikoaren aurkako emakumeen martxa prestatzen ari dira ekainaren 17rako

Bakearen eta Askatasunaren aldeko Emakumeen Ligak antolatu du bonba atomikoaren debekua aldarrikatzeko elkarretaratze erraldoia AEBetako New Yorken, ekainaren 17rako. NBEen batzar nagusian herrialde gehienak negoziatzen ari diren debekuari sostengu soziala eman nahi diote.


Arma atomikoak debekatzeko negoziaketak hasi dituzte Nazio Batuen Erakundean

Aste honetan zehar, martxoaren 27tik 31era, arma atomikoen debekuaz adostasunera iristeko negoziaketen lehen saioak ari dira burutzen New Yorken NBE Nazio Batuen Erakundearen egoitza nagusian. NBEko batzar nagusiak abenduan herrialdeen gehiengo handiaren botoz erabakitako negoziaketak dira. Potentzia atomiko handiak boikotatzen ari dira negoziaketa historikoa eta hedabide nagusietan ez da haren oihartzunik entzuten.


2017-02-05 | Edu Zelaieta Anta
Botoia

Botoi gorriaren mamuak zeharkatu zuen gure haurtzaroa, gero eta urrunago dagoen 80ko hamarkadan. Nik ordukoaz gogoratzen dudanaren arabera, gerra hotzaren ondorioz, halako botoi gorri batzuk irudikatzen genituen munduko (eta batez ere munduaren) agintari ahaltsuenen bulegoetan. Esan gabe doa, iparramerikarrek egindako pelikulak lagun, errusiarrak hartzen ohi zirela mehatxu nagusitzat planetaren hondamen nuklearra ekartzeko.

Haurtzaroaren mamua berritu dit iparramerikarrek eskaini diguten... [+]


Txina hesitu ostean, haren kontrako gerrara nola garamatzaten

Abendu hasieran aurkeztu da Londresen John Pilger kazetari australiarraren dokumental berria: “Txinaren kontra datorkigun gerra”.  Haren arabera, AEBek urteak daramatzate Txina inguratzen base militarrez eta neoliberalek gaina hartu ahala militarrek galdu dituzte bonba atomikoa erabiltzeko erreparoak. Hedabide nagusien isiltasuna eta manipulazioa salatzen ditu kazetari mitikoak.


Azkenak
EGILEA
Eguneraketa berriak daude