2021eko urtarrilaren 21a
Puntueus Fundazioak eta Guebs enpresak garatu dute Ni.eus euskarazko e-mail zerbitzua.
Posta zerbitzuak "datuen pribatutasun eta segurtasuna" bermatzen duela nabarmendu dute sortzaileek: iragarkirik ez, trackingik ez, komunikazio zifratuak, eta abar. "Euskaratik eta euskaraz sortutako posta zerbitzua da", Puntueus Fundazioak azaldu duenez. Bezeroarentzako arreta, web interfazea, laguntza dokumentuak edota bezero-gunea, guztiak euskaraz eskaintzen ditu.
Nonahi erabili daiteke: sakeleko telefonoan edo ordenagailuan ohiko dugun posta programan zein web bidez, eta zerbitzu osagarriak eskaintzen ditu: egutegi praktikoa, helbide-liburua, berbideraketak...
Bi bertsio daude, doakoa eta Premium izenekoa (hilean 3 euro ordainduta). Bigarren hori hautatuz gero, adibidez, beste hornitzaile batean dagoen erabiltzailearen posta kontu guztiak mugituko ditu Ni.eus-ek, "haien eduki osoa baita zure domeinuaren erregistroa ere". Norberaren gustuko .eus domeinu pertsonalizatua ( info@amaia.eus, harrera@mendielkartea.eus...) ere sortu ahal daiteke.
Igande honetan, hilak 17, Interneten Nazioarteko Eguna ospatuko dela-eta, posta zerbitzua aurkezteko une egokia dela deritzote Puntueus fundazioko kideek.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
