NH Iruña Park hoteleko 160 logela prest, etxeko ospitalizazioa behar duten gaixoentzat

  • Neurri horri esker, ospitaleetan lekua libratu ahal izango dute. Euren etxeetan isolamenduan jarraitzeko baldintzak betetzen ez dituzten pertsonentzat ere zabalik egongo da.

Artikulu hau CC BY-SA 3.0 lizentziari esker ekarri dugu.

2020ko martxoaren 30an - 11:10

Iruñeko NH Iruña Park hoteleko hamar solairuetatik zortzi egokitzeko lanean ari da Osasun Saila, etxean ospitaleratuta dauden eta koronabirusa duten gaixoentzat. Gaurtik aurrera erabilgarri egongo den baliabide berri horri esker, 160 plaza gehiago izango ditu ospitaleratze mota horrek.

Osasun Sailak martxan jarri du hotel horren sanitarizazioa, eta bertan ospitale batean eskaintzen diren zainketa berberak eskainiko dira, baliabideak optimizatuz eta ospitaleetan espazioak askatuz. Gaurtik hasita, ia hogei profesional sanitariok artatuko dituzte gaixoak, mediku batek, erizain batek eta osasun arloko beste batek (gaixoari buruzko informazioa jasotzeaz arduratuko dena) osatutako taldeetan; egunero bisitak egingo dizkiete hotelean dauden pertsonei. Horrez gain, gauetan mediku batek eta bi erizainek artatuko dituzte sor daitezkeen gorabeherak.

Gaur egun ospitalean dauden eta tratamendua etxean jarrai dezaketen baina isolamendua mantentzeko beharrezko baldintzak betetzen ez dituzten pazienteentzat ere eskuragarri egongo da baliabide hori. Ildo horretatik, Osasun Sailak eskerrak eman nahi izan dizkio azken egunetan hoteleko espazioak xede horretarako egokitzeko lanean aritu den suhiltzaile boluntarioen taldeari.

Osatze azkarragoa eta arrisku txikiagoa

Etxeko ospitalizazioa asistentzia-eredu bat da, pazienteei ospitale bateko zainketa medikoak eta erizaintzakoak emateko gai dena, ospitale azpiegiturarik behar ez duten unean, baina oraindik zaintza mediko aktiboa eta laguntza konplexua behar dutenean.

Ohiko ospitalizazioari dagokionez, abantaila ugari ditu; izan ere, ingurune ezagun eta erosoago batean egiten da, senideekin batera, ospitalean hartutako infekzioak saihesten ditu, pazienteak gutxiago orientatzen dira eta lehengoratzea azkarragoa da. Gainera, ospitaleratzeko modu horri esker, osasun-baliabideak hobeto erabil daitezke, eta lehen mailako arretako eta arreta espezializatuko lanbide-taldeen arteko koordinazioa hobetzen da.

50 arreta postu berri larrialdietan

Gainera, Nafarroako Osasun Sistemaren egokitzapeneta berrantolaketa prozesu etengabearen barruan, Nafarroako Ospitalgunean, Nafarroako Gurutze Gorriarekin lankidetzan, Larrialdietako eraikineko sotoa egokitu duela iragarri du Osasun Sailak, larrialdietara joaten diren pazienteen kopuruak gora egingo duelakoan. Zehazki, arnas patologia arina duten pazienteentzako arreta-zirkuitu bat antolatu da, 50 pertsona inguru artatzeko.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude