Ostiralean abiatuko da 16 eta 29 urte artekoen txertaketa
COVID-19aren txertoa hartzeko aukera irekiko zaie ostiralean EAEko 16 eta 29 urte arteko biztanleei. Kolektibo horren txertatzea udako hilabeteetan gauzatzea aurreikusten da.
Gotzone Sagardui Osasun sailburuak asteazkenean jakinarazi zuenez, 16 eta 29 urte arteko EAEko biztanleek ostiraletik aurrera izango dute txertatzeko zita hartzeko aukera. Txertatu nahi duten gazteek uztaila eta abuztua bitarte hartu ahal izango dute hitzordua, Osakidetzaren webgunearen bidez.
EAEn populazioararen zati honi txertoa hartzeko bideak behin irekita, Euskal Herri osoan abiaturik legoke gazteen txertaketa. Osasunbideak iragan astean eman zuen urrats hori, eta Ipar Euskal Herrian badira zenbait aste adin mugarik gabeko txertaketarekin ari direla.
Sailburuak azpimarratu duenez, txertoak iritsi ahala gauzatuko da txertaketa, aurreikuspenen arabera udako hilabeteetan. 270.000 pertsona dira 16 eta 29 urte artean daudenak, eta beste adin tarteetan oraindik txertatzear dago jendea. 60-69 urte artekoen txertatzea uztailean ixtea espero dute, eta, kalkuluen arabera, horretako 115.000 pertsonari eman behar diote txertoa. Martxan dira baita ere 40-49 eta 30-39 urte arteko txertatzeak, eta Osakidetzako langileen artean ere ez dago amaituta prozesua. Gazteenen txertaketa, beraz, baldintzatu egingo dute beste adin-tarteetako erritmoek eta heltzen den dosi kopuruak.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.