NBEk Frantziako Gobernuari galdegin dio hizkuntza gutxituen gainean duen jarreraz
Nazio Batuen Erakundeak “kezka” adierazi du Frantziako Konstituzio Kontseiluak Molac legearen aurka hartutako erabakiarengatik, giza eskubideen kaltegarri izan daitekeelako.
Gutun baten bidez azalpenak eskatu dizkiote Frantziako Gobernuari Nazio Batuen Erakundeko (NBE) hiru txostengilek. Hain zuzen, hizkuntza gutxituen gainean duen jarrera “kezkagarriari” buruz galdegin diote NBEko Fernand de Varennes gutxiengoen gaietako adituak, Alexandra Xanthaki kultur eskubideetako adituak eta Koumbou Boly Barry hezkuntza eskubideetako adituak, Berria egunkariak zabaldu duenez.
Txostengileen arabera, Frantziako gutxiengo linguistikoen giza eskubideei kalte egin diezaioke Frantziako Konstituzio Kontseiluak Molac legearen, alegia, hizkuntza gutxituen aldeko legearen, aurka egin izanak: pertsona horien identitateari, duintasunari, askatasunari, berdintasunari eta diskriminaziorik ezari, zehazki. NBEko ordezkariek gogorarazi diote Frantziako Gobernuari murgiltze eredua dela hezkuntza eredurik “eraginkorrena” baldin eta elebitasuna lortu nahi bada, eta, 2021eko maiatzean horren aurka egin zuela Konstituzio Kontseiluak, Molac legearen “funtsezko” edukiak bazter utzita.
Halaber, agintariei ohartarazi diete nazioarteko hainbat hitzarmen sinatuta dituztela, eta “beldur” direla ea ez ote diren horiek errespetatzen hizkuntza gutxituei loturiko gaiei dagokienean. Horregatik guztiagatik, azalpenak eskatu dizkiote gobernuari.
Soziolinguistika Klusterrak antolatuta 2024ko Euskal Soziolinguistika Jardunaldia egin berri da Gasteizen apirilaren 23an. Azken urteetan euskararen eta katalanaren alde eta aurka agertu diren diskurtsoak izan ziren ardatz. Onintza Legorburu, Xan Aire eta Mikel Peruarena aritu... [+]
Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]
Carolina Gandulfo doktorea. Argentinan jaioa, Ipar-ekialdeko Unibertsitate Nazionaleko Humanitate Fakultateko irakaslea. Iragan udazkenean Garabidek gonbidaturik egonaldia egin zuen gure artean, eta mintzatu zitzaigun Argentinako guaranieraz. Ikastetxe bateko esperientzia... [+]
