Palestina NBEn estatu behatzaile gisa onartu ala ez gaur erabakiko dute
Mahmud Abbas Palestinako Aginte Nazionaleko (PAN) presidenteak Palestina estatu behatzaile gisa onartzea eskatu du Nazio Batuen Erakundean (NBE). Batzarrak 15:00etan erabakiko du onartuko duten ala ez. PAN alderdia itxaropentsu azaldu da, 193 kideetatik 115ek babestuko dutelakoan.
“Ekialdeko bake negoziazioak berreskuratu eta bizkortzea” da palestinarren helburua. NBEren Batzar Nagusira eramandako testuan diote “errefuxiatu palestinarrak, Jerusalem, asentamenduak, mugak, segurtasuna eta ura” direla haien kezka nagusiak.
Israelek eta AEBek jakinarazi dute Palestina estatu behatzaile gisa onartuz gero PAN boikotatuko dutela, blokeo ekonomikoa egingo diotela eta asentamendu berriak eraikiko dituztela.
Bozketa New Yorken egingo da eta PANek jada ustezko emaitzak plazaratu ditu: 115 baiezko, 22 ezezko eta 56 abstentzio. Frantziak, Austriak eta Suediak baiezkoa emango dutela adierazi dute. Espainiak esan du testua sakon aztertu ostean erabakiko duela zer egin, eta Erresuma Batuak baiezko botoaren truke baldintza bat jarri du: Israel ez eramatea Hagako Zigor Epaitegira gerra krimenak egotzita.
Israel Hagako Zigor Epaitegira
Palestinarren eskaeraren helburuetako bat da Israelgo kargudunak Hagako Auzitegira eramatea. Israelen Zisjordaniako eta Jerusalem Ekialdeko asentamenduak legezkoak ez direla salatu du PANek. Genevako 4. Itunaren arabera, asentamenduak herrialde okupatzaile batetik herrialde okupatura aldatzea gerra krimena da. Horregatik Israelek eta AEBek presioa egin diote Palestinako Aginte Nazionalari bere eskaeran Israelen kontrako klausula bat sar ez dezan.
Bigarren saiakera NBEn
Mahmud Abbasek iaz eskatu zuen lehen aldiz NBEn estatu behatzaile gisa onartzea, eta ez zuen lortu, horregatik egin du eskaera berriro. Segurtasun Kontseiluak hartu zuen erabaki hura, baina oraingoan Batzar Nagusiak erabakiko du. Kasu honetan inork ez dauka beto eskubiderik eta babes zabalagoa lortzea espero dute.
Baiezkoa lortuko balute, Israelekiko negoziazioak aldatu egingo lirateke Palestina herrialde okupatu gisa joko luketelako. Mustafa Barguti politikari eta ekintzaile palestinarrak adierazi duenez, “Genevako Ituna herrialde okupatuetan ezartzeko; Arrazakeria eta Bazterkeria Batzordeari Israelek ezarritako apartheid-a ikustera deitzeko; eta Zisjordania, Gaza eta Jerusalem Ekialdea eremu okupatu direla nabarmentzeko" balioko die.
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
RTVE irrati-telebista kate espainiarreko Administrazio Kontseiluak astearte honetan onartu du erabakia. Jaialdiaren antolaketan pisu handia duen “Big Five” deituriko herrialdeen artean, Espainia da lehena iragarri duena Eurovision utziko duela Israelek parte hartuz... [+]
Astearte goizaldetik tankeak aurrera egiten ari dira Gaza Hirira bidean. AEBetako Estatu Idazkari Marco Rubio astelehenean egon da Israelen; Qatarren egongo da asteartean, harekin bakeak egin asmotan, Israelek eraso egin baitzion pasa den astean. NBEk lehen aldiz... [+]
"Palestina Aurrera" lelopean Nafarroa zeharkatu ondoren, Ibaitik Itsasora martxa irailaren 20an Hendaian amaituko da egun osoko ekitaldi batekin. Landetxa-Katea auzoan, aldiz, hilabete daramate egunero kazeroladak antolatzen. 80 bat bizilagun biltzen dira astelehenetik... [+]
Iruñera heldu da igandean Ibaitik itsasora Palestinaren aldeko martxa, mezu argi batekin: Israelekin harreman ekonomiko guztiak eten. MTorres-en hasi da ibilaldia eta enpresa horrek Israelgo armagintzarekin dituen loturak salatu dituzte. Noainen harrera egin ondoren,... [+]
Guatemala izan zen munduko lehen herrialdea Israelgo Estatua sortzearen aldeko botoa ematen, horrela diote garai hartako kronikek. 1947tik hona, jende askoren iruditeri kolektiboan Guatemala izan zen estatu sionistaren lehen harria jarri zuen lehen estatua.
Ordutik 80 urtera,... [+]
Espainiako Vueltak zeresan handiagoa eman du aurten Palestinaren aldeko ekintzengatik, ziklisten arteko lehiagatik baino. Bosgarren etapan –taldekako erlojuz kontrakoan– dozena erdi ekintzailek Israel Premier Tech taldeko txirrindulariak geratu zituztenetik,... [+]
Ez nuke zuen eguna izorratu nahi; ez jende guztia hitz egiten ari denaz hitz egin ere, baina azken asteotan, uda mugitu honen ondoren, sukaldeko leiho ondoko aulkian eseri eta munduari begira jarrita egon naiz. Begiak zabal-zabalik eta isil-isilik begiratu diot munduari bi... [+]
Palestinaren aldeko elkartasuna eta Israel palestinar herriaren aurka gauzatzen ari den genozidioaren salaketa gizartearen arlo guztietara zabaltzen ari da, baita kirolera ere, asteotan Espainiako Vueltan ikusten ari den moduan, besteak beste. Hain zuzen ere, Kontxako Bandera ez... [+]
"Israelen kontrako boikot kanpainak martxan dauden honetan, kulturgileoi lerratzea dagokigu", adierazi du Saioa Alkaizak komunikabideetara igorritako oharrean. BDZk txalotu egin du Alkaizaren erabakia, eta Elkar argitaletxeari gonbita luzatu dio, "erabaki ausartak... [+]
Bi herrialdeek jakinarazi dute ez direla 2026ko Eurovision jaialdira aurkeztuko Israelek parte hartzen jarraitzen badu. Espainiako Gobernuko Kultura ministro Ernest Urtasunek ere iradoki du Espainiak ez lukeela parte hartu beharko.
Israelgo zazpi jokalariek uko egin diote Sestaoko xake txapelketan jokatzeari, beren parte hartzearen aurka antolatutako protesten ondoren. Antolakuntzak aurretik eskatu zien parte ez hartzeko edota Israelgo banderarik ez erabiltzeko.
Palestinak pairatzen duen genozidioa salatzeaz gain, sionismoaren "konplizeak" seinalatzea ere du helburu Ibaitik itsasora deitu martxak. Palestinarekin elkartasunean aritzen diren hainbat eragilek elkarlanean antolaturiko ekimena irailaren 20an bururatuko da Hendaian... [+]
EB eta Israelen arteko “Elkartze Akordioaren merkataritza arloa partzialki etetea” proposatu du Europako Batzordeko presidenteak. Neurriak indarrean jartzeko EBko herrialdeen gehiengoak eman behar dio babesa, eta hori “oso zaila” izango dela adierazi du... [+]
Osasuna futbol taldeak bat egin berri du AHTren aldeko enpresarien plataformarekin. Baina, "kirola eta politika ez dira nahastu behar" 'koinatuen' esaldirik gogokoena Bilbon gertatutakoaz besterik ez dugu entzun. 23 hilabetez jarraian estatu genozida batek... [+]