ARGIA.eus

2020ko abenduaren 02a

NBEk presoak askatzeko eskatu du, kartzelen segurtasun eza argudiatuz

  • Kartzelek segurtasun neurriak babestu ezin ditzaketela, eta batez ere arrisku taldeetako presoak eta preso politikoak askatzeko eskatu die Estatuei. Horrez gain, adierazi du konfinamendua betetzen ez dutenentzako “azken neurria” izan beharko litzatekela kartzela.

Maria Ortega Zubiate @ortegazubiate
2020ko martxoaren 26a
Michelle Bachelet Nazio Batuen Erakundeko Goi komisarioa.

Koronabirusa kartzeletan “masiboki” hedatu daitekeela esan du Michelle Bachelet Nazio Batuen Erakundeko (NBE) goi komisionatuak, zentro horietan segurtasun tarteak mantentzea edo presoak isolamenduan jartzea “ezinezkoa” dela argudiatuz.

Hori horrela, zenbait presoren kaleratzeak proposatu ditu; delitu txikiak dituztenak, arrisku taldeetan daudenak eta preso politikoak. Azken horiei buruz adierazi du “oinarri legal nahikorik gabe” atxilotutako pertsonak kaleratzeko ordua dela: “beraien artean preso politikoak eta ideia kritiko edo disidenteak adierazteagatik atxilotutakoak”.

Bestalde, kezkatuta agertu da neurri berriek presoekiko izango duten eraginarekin. Bisitak bertan behera uzteak gatazkak sor ditzakeela aurreikusita neurri alternatiboak proposatu ditu, bideokonferentzia bidez edo beste motatako komunikazioa ahalbidetzen dutenak.

Gehitu du konfinamendua ez betetzeagatik atxilotzea “azken neurria” izan behar dela, izan ere “seguraski kartzeletako egoera larriagoa bilakatuko da eta ez dute lagunduko gaixotasunaren hedapena gelditzen”.

Michelle Bacheleten adierazpen horiek NBEk agindutako neurri berrien ostetik etorri dira. Nazio Batuen Erakundeak 2.000 milioi dolar bideratuko dituela adierazi du, Hego Amerika, Asia, Afrika eta Ekialde Hurbileko 51 herrialdetan banatzeko.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Koronabirusa  |  Nazio Batuen Erakundea  |  kartzela

Koronabirusa kanaletik interesatuko zaizu...





Azkenak
EGILEA
Argia buletina
Egunaren laburpena
zure e-postan
Eguneraketa berriak daude