Navarra Sumako bi parlamentario Leitzan Joaquin Muruzabal erreketearen omenaldian izan ziren

  • Iñaki Iriarte eta Patxi Pérez Navarrako Sumako parlamentarioak,  Joaquín Muruzabal 1936ko Gerran hildako lehen erreketeari joan den igandean Leitzan egindako omenaldian izan ziren,  gaur Diario de Noticias-ek azaltzen duen arabera.


2019ko abuztuaren 28an - 11:10
Argazkiaren ezkerrean, bigarrena eta hirugarrena dira Iriarte eta Perez. (Arg.: Agencia Faro).

Iriarte Nafarroako Legebiltzarreko lehendakari izateko hautagaia izan joan den uztailean eta aipatu egunkariaren esanetan bi parlamentariak dira Javier Esparza UPNko buruaren gertuko eta konfiantzazko pertsonak. Omenaldian 36ko Gerrako estatu kolpea goretsi zuten, berau “askapen gurutzada” gisa izendatuz. Omenaldi honetan ohikoa izan da Silvestre Zubitur UPNko zinegotzi eskuindarra. Han izan zen baita ere Comunión Tradicionalista Carlistako lehendakari Javier Garisoain.

Muruzabali errepidean egindako omenaldiaren ondoren, 50en bat lagunek parte hartu zuten meza omenaldian eta gero bazkaltzera joan ziren Larrea Elkartea izeneko elkartera. Han omendu zituzten, halaber, duela gutxi hildako Sylvya Baleztena eta Cruz Maria karlistak, eta karlisten kronikak bazkariaren alma mater gisa definitzen duen Zubitur bera. Karlisten ereserkia den Oriamendi kantuarekin amaitu zuten bazkaria. Kronika hau Agencia Farok Facebooken duen kontuan irakur daiteke.


Kanal honetatik interesatuko zaizu: Oroimen historikoa
Angel Egaña gudariaren gorpuzkiak ekarriko dituzte igandean Arrankudiaga-Zollora

Udalak jakinarazi du herrian bertan egingo diotela omenaldia apirilaren 28an. Igande honetan, aldiz, beste 198 fusilaturekin batera omenduko dute Valladoliden, baina ez dute hango memorialean hobiratuko.


Iruñeko Erorien Monumentua: eraitsi ala eraldatu?

Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]


'Oroibidea', memoria historikoaren erreferente digitala 23.000 biktimaren datuekin

Nafarroako Gobernuak Espainiako Gerra Zibilaren eta frankismoaren artxibo digitalaren plataforma, Oroibidea, gaurkotu du eta bildutako errepresaliatuen testigantzak laukoiztu dituzte.


Eguneraketa berriak daude