Nafarroan nekazal lurren %7 ekologikoan lantzen da, baina lau aldiz gehiago izan behar luke EBren arabera
Ekologikoan dabiltzan ekoizleen eta transformatzaileen kopuruak berriz ere gora egin du Nafarroan 2021 urtean, baita ekologikoaren ziurtagiria duen hektarea kopuruak ere, Nafarroako Nekazal Produkzio Ekologikoak jakinarazi duenez. Nafarroako nekazal lurren %7k dauka ziurtagiri hori, baina Europar Batasunak gomendatzen duen %25etik oso behera dago oraindik.
aurre egingo dieten hedabide independenteak
Nafarroan 62.043 hektarea daude ekazaritza eta abeltzaintza ekologikora bideratuak, eta 764 operadorek 2.500 elikagai sortzen dituzte 35 sektoretan, "ekologikoa" ziurtagiriarekin. Nafarroako Nekazal Produkzio Ekologikoaren Kontseiluaren (NNPEK) azken txostenean ageri dira datuok.
Mirian Otxotorena NNPEK-ko presidenteak aurkeztu du txostena ostegun honetan, Itziar Gomez Nafarroako Gobernuko Landa Garapen eta Ingurumen sailburuarekin, Natalia Bellostas INTIAko gerentearekin eta David Ruiz NNPEK Kontseiluko kidearekin batera. Nabarmendu dute Nafarroako sektore ekologikoak hazten jarraitzen duela, bai azalera aldetik eta baita ekoizle, tranformatzaile eta inportatzaile aldetik ere.
Hala, 2021ean operadoreen kopuruak %6,9 egin du gora eta ekologikoan lantzen diren hektareak %2,6 gehiago dira. Gaur egun Nafarroako nekazal lurren %7k dauka ekologikoaren ziurtagiria. Hala ere, Europako Batzordearen Baserritik Mahaira estrategiaren arabera, kopuru horrek gutxienez %25ekoa behar luke 2030 urterako, oraingoaren laukoitza alegia: "Egin beharreko bidea luzea da eta denbora, urria", azaldu dute erakunde horretatik.
Beste datu bat ere eman dute, hala ere: nafar bakoitzak urtean 39,6 kg elikagai ekologiko kontsumitzen du, Espainiako Estatuko batez bestekoaren oso gainetik dago hori: "Honek aukera ematen digu nekazari, abeltzain eta laborantza sektoreko enpresek ekoizpen ekologikoarekin bat egin dezaten".
12.000 menu ekologiko egunero
Azoka ekologikoen eta esku artean dituzten proiektuen berri ere eman dute erakundeetako ordezkariek prentsaurrekoan; arbendola ekologikoak ekoizteko edo abeltzaintza ekologikoaren bidez belaunaldi-aldaketa faltari erantzuteko, besteak beste.
Jantoki kolektiboekin egiten ari diren lana nabarmendu dute, bestalde. Hala, dagoeneko elikagai ekologikoekin egunero 12.000 menu ematen dituzte Nafarroako 55 ikastetxetan, eta arlo horretan Nafarroa "erreferentziazko lurralde" bihurtu dela ziurtatu dute.
Euskal Sagardoa Jatorri Deiturako 250 sagastietan hasiak dira jada sagar biltzen. Araba, Bizkaia eta Gipuzkoari dagozkien iazko datuekin alderatuta, uzta handiagoa izango da aurten. Orotara sei-zazpi milioi kilo biltzea aurreikusten dute, datu zehatza urte bukaerarako izango... [+]
Udazkeneko zenbakia aste honetan jasoko dute ARGIAko kideek, edo berariaz Bizi Baratzeako kide egin direnek.
Irulegiko arnoaren sindikatuak antolaturik, Irulegiko arnoaren sormakaren besta ospatuko da buruilaren 14an, igandearekin, Irulegin. Mahastia, arnoa eta tokiko kultura uztartuz, egun osoan animazioak.
Artzain gisa hirugarren kanpaina du aurtengoa Koldo Vicente Eseberrik. Familia Otsagabikoa izan arren, Iruñean bizi izan zen txikitatik, baina abeltzaintzaren munduarekin harreman estua izan du beti. “Osaba artzaina zen, haragitarako ardiak zituen hemen, eta txikitan... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori,... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
Orriuldu gabe daude oraindik zuhaitzak eta arbolak. Hostoak ihartu gabe daude, bai. Eta hostoa jasotzeko sasoi aproposa da. Hostoa, batez ere geroago jasotzen da; zuhaitzaren adaburua janzten duen orritza edo hostotza erortzen denean edo orriultzen denean, lurraren instantziako... [+]
Irulegi eta Anhauze artean ditu mahastiak Joanes Haritschelharrek, Amama proiektuaren bultzatzaileak. “Mahastiak ene amarenak ziren, eta bera jubilatu zenean hartu nuen nik etxaldea, 2022an”, azaldu du. Ama mahastizaina eta aita ardi gasnagilea ditu, eta beraz, beti... [+]
Elkarretaratzea eta asanblada antolatu dituzte azken berriak zeintzuk diren jakinarazteko. Horrez gain, irailaren 9an Baionako auzitegi aitzinean mobilizatuko dira, Marieneko lurraren defentsan aritutako hiru ekintzaile auzipetuko dituztelako.
Irailaren 2an hasi da epaiketa Iruñeko Zigor Arloko 2. epaitegian, ustez 2021ean makroetxaldeak haren inguruko lurrak minden hondakinekin kutsatzeagatik. Sasoi hartan Valle de Odieta makroetxaldeko administrazio kontseiluan ari ziren bost pertsona epaituko dituzte. ARGIA... [+]
Historikoki, artzaintzari eta abeltzaintzari guztiz lotuta egon den bailara da Erronkaribarrekoa, baina azken hamarkadetan nabarmen eraldatu da eta turismoa bihurtu da jarduera nagusia. “Ekonomia horrela aldatu da, eta hamarkadaz hamarkada ardi, behi eta behor kopurua... [+]
Odolustea uztailaren 10ean hasi zen. Hamar buru hil zaizkigu harrezkero: hazarkume bat, ahari bat eta zortzi ardi. Odol analisiek baieztatu dute mingain urdinaren gaitzaren ondoriozko heriotzak izan direla denak ere.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
