Baserrien erreleboa, ahuakateak eta onddoak Bizi Baratzea Orriaren 3. zenbakian
Udazkeneko zenbakia aste honetan jasoko dute ARGIAko kideek, edo berariaz Bizi Baratzeako kide egin direnek.
Bidean da urtaro bakoitzean banatzen den Bizi Baratzea Orriaren hirugarren zenbakia, udazkenekoa.
Koloreak sendabelarretan izenburuko posterra aurkituko dugu aldizkaria osorik irekitzean. Garbiñe Larrearen jakintza, Dani Blancoren argazkiak eta Maitane Gartziandiaren diseinua batu dira lan honetan, eta 46 sendabelar aurkeztu dizkigute, koloreka antolatuta. Izan ere, koloreek ere badute bere eragina.
Aldizkarian bi gai nagusi hauek ere aurkituko ditugu:
Azaroaren 7tik 9ra egingo da 20. Lurrama eta etxaldeen erreleboa du aurtengo gaia. Gai hori bera landu du Jenofa Berhokoirigoinek: etxaldeak gutxitzen ari direla adierazten duten datuak ekarri ditu, baita erreleboa burutzeko eta laborantzan instalatzeko tresnak eskaintzen dituzten erakundeen berri ere. Gai horri buruz elkarrizketatu ditu aurtengo Lurraman gazama eta gazaita (amabitxi eta aitajaun) izango diren bi laborari gazteak: Baigorrin kokatutako Elena Aguerre eta Zerainen diharduen Iñaki Intxausti.
Gero eta jende gehiagok lantzen ditu aguakateondoak. Jakoba Errekondok azaldu ditu arbola honen ezaugarriak, zer hartu behar den kontuan landatzerako garaian eta nola zaindu behar den aguakate ederrak eman ditzan. Getariako (Gipuzkoa) Lahardi baserrian 40 urte daramatzate aguakateondoak lantzen eta bertako Libe Goenega elkarrizketatu du Eli Pagolak. Aguakatearen modaz mintzatu da.
Onddoei ere begiratu diegu aldizkari honetan. Baina ez jatekoei soilik, izan ere, pozoitsuek ere egiten diote onura Lurrari. Fungi erreinuaren funtzio ekosistemikoak azaldu ditugu. Onddoak hobeto ezagutzeko udazken honetan Aranzadi elkarteak antolatu dituen, hitzaldi, erakusketa eta txangoen erreferentzia aurkituko duzu, baita urrian aurkeztuko den liburuarena ere.
Eta nola ez: udazkenean zer egin azaldu digute gure kolaboratzaile berezituek. Zer egin baratzean azaldu du Jakoba Errekondok, zer egin basoan Iñaki Etxebestek, zer egin haziekin Kelo Arribasek eta zer egin sendabelarrekin Garbiñe Larreak.
Bizi Baratzea Orria jaso nahi duzu?
Aurtengo udaberrian abiatu du aldizkari berezi hau ARGIAk, bere Bizi Baratzea ildoaren baitan. Horregatik, ARGIAko kide direnek astekariarekin batera jasoko dute urtaro bakoitzaren hasieran Bizi Baratzea Orria. Horrez gain, bada Bizi Baratzea Orria jasotzeko beste aukera bat ere: soilik Bizi Baratzea Orria aldizkarira kidetzea.
Informatu hemen, pentsatu lasai, eta zerorrek erabaki zenbat eman eta zer hartu nahi duzun. Ongi etorri Lurrari begiratzen diogunon komunitatera!
Sarraskiak ez du etenik Palestinan, eta lurraldeko txoko guztietara hedatzen ari da. Uztailaren 31n, Hebrongo (Zisjordania) Hazien Bankuaren Ugalketarako Unitateari eraso zion Israelek; bulldozer eta makineria pisutsuarekin bertako instalakuntza eta azpiegiturak suntsitu zituen... [+]
Abuztuaren amaieran azaltzen da, baina iraila du gogokoen. Udazkena hemen dela berritzen digu urtero. Udazkenari kolore bidea erakusten dio. Guri, ahoko zeruak jasota duen lurrinen bilduma erraldoiaren miaketa azkarra egin eta urteroko uztaldi nagusiaren dasta bitxienetakoa... [+]
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
Edozein arlotan, arazo bat suertatzen denean, eta ia inor ados jartzen ez denean, ohiko galdera plazaratzea da onena: Nori egiten dio mesede?
Artzain gisa hirugarren kanpaina du aurtengoa Koldo Vicente Eseberrik. Familia Otsagabikoa izan arren, Iruñean bizi izan zen txikitatik, baina abeltzaintzaren munduarekin harreman estua izan du beti. “Osaba artzaina zen, haragitarako ardiak zituen hemen, eta txikitan... [+]
Sugea ikusi orduko: “Sugegorria!”. Telesforo Aranzadi zenak esaten baitzuen, begiek ez dutela ezagutzen dutena baino ikusten. Eta sugegorria ezagutu, ezagutzen dugunez (entzunaz, sikiera), hori bera izaten da joera: ikusten dugun suge oro sugegorria dela iruditzen... [+]
Bada Garde. Urrutira gabe hor dago, urrutieneko mugaren guardan. Umetan ezagutu nuen Garde, ez dut gogoan zenbat urte nituen, baina landatuta geratu zitzaidan han ikusi nuena.-
Dei batek dena alda dezake. Eguna bai, bederen. Hurrengo orduetako martxa, sikiera. Ourensen dagoen lagunak jasotzen du Noainen dagoen Lugoko lagunaren deia. Dei bakar batek ekarri zituen Galizako elkarte bateko zortzi artzain eta ahuntzain bat etxera. Zoragarria izan zen... [+]
Valle de Odietako epaiketa epaiaren zain geratu da ostiral honetan Iruñeko Justizia Jauregian akusatuek deklaratu eta akusazioek eta defentsak haien ondorioak azaldu eta gero. Ez da aldaketarik egon alde bakoitzak egindako eskaeretan.
Vichamako (Peru) aztarnategian, arkeologoek 3.800 urte inguruko estatuatxo berezi bat aurkitu berri dute. Caral zibilizazioaren azken arokoa da, eta bi apo irudikatzen ditu.
Aztarnategi bereko hainbat hormairuditan gosetea, lehortea eta, finean, ingurumen krisiari lotutako... [+]
Garaipen historikotzat jo dute hainbatek: duela sei urte Ozeano Bareko estatu zaurgarrietako ikasle talde batek bultzaturiko ekimen baten ondorioz, Nazio Batuen auzitegi gorenak iritzia plazaratu du uztailaren 23an, zeinak munduko estatuek klima aldaketari begira dituzten... [+]
Italiako hainbat hiritan hondartzen eta itsasoaren izaera publikoa aldarrikatzeko mobilizazioak egin ditu udan Itsasoa Aske mugimenduak. Hondartzen erdia enpresa pribatuek kudeatzen dutenez, bainua hartzeko ordaindu beharra daukate herritarrek. Zonalde turistikoenetan ordainpeko... [+]
2023ko uztailean jaso genuen berria antzuolarrok. Irimon bi aerosorgailu erraldoi jartzeko proiektu bat aurrera eramateko eskaera jaso zuela Udalak. Hasieran zalantzak eta galderak: nor zegoen proiektuaren atzean? Zein zen proiektuaren benetako helburua? Zein izango... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]