Nafarroan maskara Aste Santu osterako kendu nahi dute barnealdeetatik
Hori da astearte honetan Nafarroako Gobernuko Osasun sailburu Santos Indurainek jakinarazi duena. Asteazkenean Espainiako Estatuko lurralde arteko COVID-19aren inguruko bilera dago eta bertan agian erabaki zehatzagoak hartuko direla aipatu da, nahiz eta, berez, maskaren gaia ez den gai-zerrendan.
Santos Indurainen esanetan, Aste Santuko oporrak maskarekin egin beharko lirateke oraindik, sasoi horretan herritarren arteko hartu-emanak eta mugikortasuna handia direlako, baina ondorengorako barnealdean maskarak kentzea pentsatzen ari dira foru gobernuan.
Maskarak erretiratzea, dena den, progresiboa litzateke, eta mantendu egingo lirateke hainbat lekutan, esate baterako adinekoak daudenetan, edo osasunari eta garraioari lotutakoak direnetan. Indurainek azpimarratu zuen, dena den, neurria ez dela guztiz premiazkoa eta lehenetsiko dutela estatuko beste erkidegoekiko kontsentsua.
Espainiako Gobernuko lehendakari Pedro Sánchezek aipatu izan du adituek aholkatu ondoren, lehen segundotik aurrera kenduko duela maskararen erabilera arautzen duen errege dekretua.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.