Igo egin dira arrazakeriari eta xenofobiari lotutako delituak Nafarroan
A Coruñako Unibertsitateak (Galiza) egindako ikerketa batean zehaztu dute hamabost gertakari arrazista atzeman dituztela Nafarroan 2020an: 2019an baino bost kasu gehiago. Halere, erasoen %80 estatistiketatik kanpo gelditzen direla esan dute, biktimek ez dituztelako salatzen.
Arrazakeriari lotutako gorroto delituen igoera antzeman dute Nafarroan. Foru gobernuak hala eskatuta, A Coruñako Unibertsitateak (Galiza) ikerketa bat jarri du martxan eskualdeko egoera zein den aztertzeko, eta zehaztu dute Nafarroa ez dela eremu arrazista eta biztanleak migratzaileekin “toleranteak” direla. Halere, azken urtean gorroto kasuen igoera egon dela adierazi dute: 2020an, hamabost gertakari arrazista zenbatu zituzten, 2019an baino bost gehiago.
Atzo, ikerketako emaitzen aurkezpena egin zuten Migrazio Politiketako kontseilari Eduardo Santosek, departamentuko zuzendari nagusi Patricia Ruiz de Irizarrek eta A Coruñako Unibertsitateko ikerlari Obdulia Taboadelak. Taboadelak zehaztu zuenez, zifrak baxuak izan arren, arazoa da estatistiketan bildu ezin diren hainbat kasu daudela: “Europako Batzordearen arabera, gorroto delituen %80 inguru ez dira salatzen, eta horrek kezkatu egiten gaitu”.
Nafarroan gertatzen diren arrazakeria kasuen nolakotasuna oso bestelakoa da. Taboadelaren arabera, delituen pertzepzioan eragin handiena duen faktoreetako bat atzerritarrek Nafarroan daramaten denborarekin lotuta dago: “Pertsona bat iritsi berria denean, diskriminazio-gertakari bat pairatzen badu, gehienetan ez da konturatzen bizi izan duela, burua beste lehentasun batzuetan jarrita duelako (lana aurkitzea, etxebizitza, seme-alabak eskolatzea…)”. Komunitatean “finkatuta” dagoen pertsonak, ordea, kontzienteago dira sufritzen dituzten arrazakeria egoerez.
Diagnostikoa egiteko, hainbat emakume migratzailek, ijitoek eta atzerrian jaio baina Nafarroan eskolatutako gazteek hartu dute parte. Guztiek arrazakeria edo xenofobia kasuak pairatu dituzte, bereziki etxebizitzaren eta enpleguaren esparruetan. "Pertsonaren izenak berak zehazten duen diskriminazioa da, baita fisikoki topo egin aurretik ere. Izena, datu pertsonalak, azentua, atzerriko jatorria zehazten duten zantzuak diren aldetik, gaur egun iragazki bat dira”.
Bestalde, nabarmentzekoa da arrazakeria eta xenofobia kasu asko instituzioen edo bertako langileengandik datozela. Taboadak jarri duen adibideetako bat da funtzionarioek migratzaileei beharrezkoa ez den dokumentazioa eskatzea. Alde horretatik, diagnostikoan parte hartu duten atzerritar askok esan dute “suminduta” sentitu direla erakunde publikoen aldetik jasotako tratuarekin.
Arrazakeriaren eta Xenofobiaren aurkako Plana
Ikerketan jasotako emaitzak baliatuz, Nafarroako Gobernuak 2021-2026 aldirako Arrazakeriaren eta Xenofobiaren aurkako Plana prestatzeko nahia adierazi du. Honakoa ere A Coruñako Unibertsitateko ikerlariekin batera egingo dute, eta, esan dutenez, abendurako izango dute prest, datozen bost urteetan martxan jarri ahal izateko.
Armadoreak salatu zuen hamasei arrantzaletik hamabi matxinatu egin zirela, eta Guardia Zibilak artatu eta gero, Asturiasen egon da amarratuta. Asteazken goizaldean heldu da Getariako portura.
Irailaren 21eko goizaldean, herritar bat labankadaz hil zuten Bilboko Solokoetxen. Hurrengo egunetan luze jorratu zuen gertaera El Correo egunkariak. “Matxetez” egindako borroka baten ondorio izan zen heriotza aurrenik; labankada bakar baten ondorio gero. Bi talderen... [+]
Nahiz eta, entzun dudanez, hala deitzen dioten gertuko herri batekoek. Mugako biztanleok izaera jakin bat omen dugu; nabaritzen omen zaigu inguru horretakoak garela, esaterako, irundarroi. Ba omen dugu zera berezi bat. Ez dut gehiegi sinesten kontu horietan, ondoren zera hori ez... [+]
Chocón, Kolonbiako hiri batean, beltzak, indigenak eta mestizoak elkar bizitzari eusten saiatzen dira. Beltzek txoloak deitzen diete embera indigenei, eta emberek beren hizkuntzan hitz egiten dutenean, kristauez hitz egiteko esaten diete bai mestizoek eta bai beltzek... [+]
Europan eta munduan arrazakeria gora doa, eta Euskal Herria ez dago joera horretatik salbu. Egun, herritarrak eta jendarteak eskuin muturraren baloreak bere egiteko bide nagusietakoa da arrazakeria. Arazoaren larritasunari tamaina hartzen saiatu gara, eta aztertu ditugu zenbait... [+]
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
%37 genero- eta sexu-diskriminazio kasuekin loturik egon ziren, eta aporofobia %33 hazi zen. Gorroto-delituen intzidentzia tasarik altuena Nafarroan identifikatu zuten iaz.
Hainbat talde "neonazik" azkenaldian Irunen zabaltzen ari dituzten mezuak salatu dituzte asteazkenean Harrera Sareak eta hainbat kolektibok herrian. Eskuin muturreko "auzo patruilak" antolatzen ari direla salatu dute, eta hauek jendearen jatorriaren arabera... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Gasteizko hainbat auzotan ezarri dituzten “Moros fuera de España” kartel eta pegatinak ikertzen ari da Ertzaintza. Irun, Hernani, Barakaldo… Ez dira kasu isolatuak, eta “etorkinen kontura jarraitzaileak irabazi nahi dituen ideologia” ikusten du... [+]