Nafarroan asteazkenetik derrigorra izango da musukoa jantzita eramatea

  • COVID-19aren agerraldi berriak Nafarroan indartu egin direla eta, Osasunbidea prestatzen ari da pandemiari aurre egiteko neurri berriak, tartean maskararen erabilera leku publiko guztietan derrigorra bihurtzea. Asteazkenean Nafarroako Gobernuak egin beharreko bilkuran mahai gainean edukiko du erabakia.


2020ko uztailaren 13an - 09:46

Azken egunetan Nafarroan ugaritu diren COVID-19aren agerraldiak eten eta kutsatzeak ekiditeko asmoz, Osasun Departamentua pandemiaren kontrako neurri berriak ari da prestatzen, bai EITB-k eta bai Noticias de Navarra-k azaldu dutenez. Neurrion artean egongo da maskararen erabilera derrigortzea gune publiko orotan, baita 1,5 metroko tartea bermatuta dagoenean ere.

Koronabirusaren agerraldi berriek daramate Nafarroako Gobernua bere neurriak gogortzera. Igandean bertan jakitera eman zenez, 34 kasu berri atzemanak zituzten aurreko 24 orduetan. Agintariek aitortu zutenez, egonkortu egin da Tuterako ezkontzak eragindako fokua baina areagotu egin da Iruñean sanferminetako gosari batekin lotutako agerraldia eta, beste aldetik, gutxienez beste hiru foku ere atzeman dituzte Nafarroa Garaian, bat Lizarra eta bere inguruetan.

Euskal Herrian Nafarroa izango da musukoaren erabilera erabat orokortuko duen lehen lurraldea; EAEn Ordizia da neurri hori ezarri den udalerri bakarra. Aldiz, Espainiako Estatuan gero eta gehiago dira derrigortasunaren bideari ekin diotenak eta maskara jada derrigorra da Katalunian, Balear Uharteetan, Extremaduran, Aragoin, Andaluzian eta Errioxan.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude