Nafarroako Torturatuen Sareak deituta 2.300 pertsona bildu ziren larunbat arratsaldean Iruñean, Nafarroan azken hamarkadatan izan diren tortura kasuak ikertzeko eskatuz. Hainbat ikerketaren arabera, milatik gora pertsonak jasan dituzte torturak herrialdean.
Baluarte Plazatik hasi zen manifestazioa Tortura ikertu. Egindako guztia aitortu pankarta buruan. Sarasate pasealekuan amaitu zen, antolatzaileen hitzaldiarekin. Hitzaldia bukatu eta handik hamar minutura oraindik jendea sartzen ari zen pasealekura. COVID-19aren garaietara egokituta, hiru ilaratan antolatu zen manifestazio luzea eta polizia ugarik zaindu zuten.
Mobilizazioa ez zen erabateko normaltasunez abiatu, Geltoki zaharretik atera behar bazuen ere, Espainiako Gobernuaren Ordezkaritzatik ibilbidea aldatu eta, azkenean, Baluarte plazatik atera baitzen. Iruñeko Udalak, halaber, ez zuen baimendu Sarasate pasealekuan megafoniarik jartzea, argudiatuz ez zela baimena eskatu hamabost egun lehenago. Azkenean, ordea, megafonia zerbitzua erabilita egin zen amaiera.
Bukaerako hitzaldian Ainara Gorostiaga eta Iñigo Gonzalezek hartu zuten hitza antolatzaileen izenean, eta eskatu zieten erakunde publikoei ekiteko ikerketa ofizialari, tortura jasan dutenek gertatutakoaren aitortza behar dutelako lehenik, ondoren ordaina jaso dezaten. Ikerketa, aitortza, erreparazioa eta tortura gehiago ez dadila errepikatu eskatu zuten. Hitzaldian zehar argi utzi zuten Espainiako Estatua izan dela torturen eragilea, eta gizarteko sare zabal batek eman diola babesa honi, hala nola, hanbait alderdi politikok, auzi-mediku ugarik eta zenbait komunikabidek.
Non dago Mikel? filmak eta Publico egunkariak argitaratutako grabaketek lehen lerrora eraman dute torturen auzia, hainbat mugimendu bultzatuz. Horien artean aipatzekoa da hilaren 1ean Nafarroako Legebiltzarrak torturak ikertzeko aho batez onartutako eskaera instituzionala.
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.
Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]
1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]