ARGIA.eus

2020ko uztailaren 06a

Nafarroako Gobernua hasi da droneak erabiltzen herritarrak zelatatu eta zigortzeko

  • Nafarroako Gobernuak ekin dio droneen bidez herritarrak zuzenean kontrolatzeari. Bere webgunean aitortzen du "esperientzia pilotoa" martxan jarri duela maiatzeko lehen asteburuan eta bideoan erakusten du norainoko zehaztasunez hartzen dituen kamerak zuzenean pertsonen irudiak. Zuzeneko bideo irudi hauek SOS deien Nafarroako egoitzara bideratzen ditu. Lehen asteburuaren ondorio izan da hamar aldiz bidali zutela Polizia Forala, ea herritarrak alarma egoerako araudia errespetatzen zuten frogatzera eta hauetatik bi herritarri jarri zietela denuntzia.

ARGIA @argia
2020ko maiatzaren 07a

Javier Remírez Lehendakaritza, Berdintasun, Funtzio Publiko eta Barne saileko kontseilariak "herritarren segurtasunerako proiektu piloto" moduan aurkeztu du herritarrak kontrolatzeko droneen erabilera. Adierazi duenez, aurreko asteburutik hegaka dabil dron bat, kontrola areagotu eta "pertsonen pilaketak saihesteko". Horrela, "deseskalatze prozesuan espazio publikoetan prebentzio neurriak egoki erabiliko direla sustatu" nahi omen du.

Proiektu piloto hau Polizia Foralarekin elkarlanean ari da Babes Zibila eramaten. Dronak hartzen dituen irudiak zuzenean iristen dira streaming bidez SOS deien Nafarroako koordinazio zentrora, eta handik mobilizatzen dituzte momentuan poliziak, "herritarrek distantzia soziala betetzen dutela bermatzeko".

Herritarren ohiturak zelatatzeko ere bai

Nafarroako Gobernuak adierazi du droneen erabilerak balioko duela baita ere herritarrek deseskalada fase ezberdinetan dituzten "portaera eta ohiturak hobeto ebaluatzen".

Nafarroako Gobernuak zabaldu duen bideo honetan ikus daiteke zein urrundik nolako zehaztasunez erakusten dituen pertsonak droneak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Covid-19 shockean adi kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude