COVID-19aren aurkako pilulak iritsi dira Hego Euskal Herrira

  • Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi euro gastatu ditu botika hau erosten.


2022ko martxoaren 29an - 10:39

Nafarroako farmazietan eta ospitaleetan apirilaren 4tik aurrera hasiko dira arrisku handiko COVID-19 gaixoei Pfizerren botika antibirala ematen. Paxlovid du izena. Martxoaren 29an jaso dituzte Nafarroan lehen 166 kaxatxoak eta "laster" beste 392 jasotzea espero dutela adierazi du Nafarroako Gobernuak. EAEren esku beste 556 tratamendu utzi ditu Espainiako Gobernuak.

Ez da COVID-19 gaixo denentzako moduko tratamendua. Helduei zuzenduta dago, ospitaleratu gabe egonik ere gaitza larri pasatzeko arriskua dutenei. Immunitate arazo larriak dituztenei ere emango zaie (transplanteren bat jaso dutenei edo odoleko minbizia dutenei), 80 urtetik gora izanik txertoa hartu ez dutenei, edo txertoa hartu izanagatik ere arrisku handia dutenei.

Eta botika hartzeko jarraibidea, sintomak hasi eta lehen bost egunetan hartzen hastea da, bost eguneko tratamendua eginez.

Antigorputzak dituzten gorputzengan askoz eraginkortasun txikiagoa

Nafarroako Gobernuak oroitarazi du botika honen eraginkortasuna frogatzeko ikerketak txertorik hartu ez zuten gaixoetan egin zirela eta beraz, oraindik ez dela ezagutzen txertoa hartu duten pertsonengan duen eraginkortasuna. Baina ohartarazi dute COVID-19aren aurrean antigorputzak garatuta zituzten pertsonengan botika honen eraginkortasuna hamar aldiz txikiagoa izan zela.

Paxlovid botikaren onurak eta arriskuak

Hemen irakur daiteke Espainiako Botiken Agentziak Paxlovid botikaz eginiko txostena. Bertan azaltzen denez, 18 urtez gora izan eta COVID-19 larri jasateko beste gaitzen bat bazeukaten pertsonekin egin zuten froga (diabetea, asma, bihotzeko gaitzak...); hori bai, aurrez COVID-19a pasa ez zutenekin eta beraz, antigorputzak garatu gabe zituztenekin. Emaitzek azaltzen dutenez, 12 pertsona hil ziren ikerketa honetan plazeboa hartu zutenen artean, eta batere ez botika hartu zutenen artean.

Paxlovid kontuz hartu beharreko botika da: giltzurdinetako arazoak dituztenek dosi txikiagoan hartu behar dute botika hau. Horrez gain, beste botika askorekin albo kalte larriak eragin ditzake eta horregatik, Nafarroako Gobernuak adierazi du medikuak erabaki behar duela gaixo bakoitzari komeni zaion edo ez.

Espainiako Gobernuak 253 milioi euro gastatu ditu botika honetan

Otsailaren 8an Espainiako Ministroen Kontseiluak adostu zuen 253 milioi euroko mailegu berezi bat gehitzea Osasun Sailaren aurrekontuan. Botika kopuru mugatua dagoenez, Espainiako Gobernuak aldebiko akordioa egin du zuzenean Pfizerrekin, dosiak ziurtatzeko.

HIESAri aurre egiteko erabiltzen den botika da tratamenduaren zati bat

Paxlovid tratamenduak bi pilula hartzea eskatzen du. Bata da PF-07321332 deitu diotena eta elementu hauek osatzen dutena: ziano, oxopirrolidin, etil, dimetil, trifluoroazetamido, butanoil, azabiciclo, hexano, carboxamida.

Eta beste pilula ritonavir da, HIESAri aurre egiteko beste hainbat botikarekin batera hartzen dena.

 


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


Hemen dator Gorillas, kalea hiltzeko makina berria: zuk eskatu eta 15 minutu barru etxean bertan jasoko duzu

Amazon ondoren Glovo, Deliveroo eta Uber Eats-ek gure hiri eta auzoetako bizimodua hankaz gora jarri dutela uste baduzu, adi hurrengo uhinari: heldu dira Cajoo, Flink, Dija, Gorillas, PicNic , Everli... COVID-19 betean sortuta, tximista bezala zabaltzen ari diren banaketako... [+]


2022-02-16 | Estitxu Eizagirre
Eneritz Zubiaurre, COVID-19aren aurkako txertoak kaltetua
"Txertoa hartu nuenetik ia urtebetera, oraindik ez naiz gai bizitza normala egiteko"

Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]


Eguneraketa berriak daude