2023-24 ikasturtetik aurrera Euskarabideak kudeatuko du ‘Musikariak ikastetxeetan’ hezkuntza programa, euskal musika Foru Erkidegoko ikastetxeetara hurbiltzen jarraitzeko.
Ekainaren 23an Nafarroako Hezkuntza Departamentuak A eta D ereduetan euskal musika sortzaileen berri ematen duen programa bertan behera uzten zuela jakinarazi zien egitasmoaren kudeatzaileei. Erabakiak kritika handiak jaso ditu hezkuntzako sindikatuen eta beste eragile askoren aldetik, eta ostiral goizean bertan Hezkuntza Departamentuak jakinarazi du programak aurrera jarraituko duela, baina aurrerantzean Euskarabideak kudeatuko duela.
Departamentuaren esanetan, "Euskara Atalak horrela lehentasun berriei erantzun ahal izango die, Euskal Hizkuntza eta Literatura irakasgaiaren curriculumari estuago lotuta daudenak, hala nola ahozko eta idatzizko ulermena eta adierazpena euskaraz lantzea eta indartzea. Ekimen horren berri eman zaie gaur goizean programan parte hartu duten ikastetxe guztiei".
Hezkuntzaren esanetan, euskara sustatzeari dagozkion diru baliabideak orain Solaskide eta berria den Mintza Jolasak programetara bideratuko ditu, eta horien bidez "ahozko eta idatzizko ulermena eta adierazpena indartzeko aukera emango da".
Musika programan parte hartu duten eragileek poza agertu dute, baina, aldi berean, sare sozialetan salatu da programa hori PSNk bideratzen duen Hezkuntza Departamentuak bultzatu beharko lukeela eta ez euskararen sustatzeaz arduratzen den Euskarabideak.
Incel, cyberbullying, sexting, catfishing, ciberbating, doxxing, gaslighting, grooming, sextorisioa… Azkenaldian, gizakion jokabide ezkor guztiak eremu digitalean “tag-eatuak” izaten ari dira, badirudi eremu fisikoan genituen adierazpenek ez dutela balio... [+]
Gurean ere agerikoa den errealitatea islatzen dute Kataluniako datuek: guraso elkarteetan, eskolako bilera eta zereginetan, gurasoei zuzendutako tailerretan… emakumeak dira gehiengoa. “Haurrak heztearen funtzioa amek hartzen dute eta sentsazioa dute gainezka... [+]
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Ramadana bukatzear zela sortu zen zalantza irakasleen artean: familia musulmana duten ikasle batzuek adierazia zuten, ramadanaren amaieraren ospakizuna zela eta, ez zirela egun horretan joanen gelara. Ekintza horren bidez –aipatu zuen irakasle batek– argi gelditzen... [+]