Munduko animalia-populazioaren erdia galdu da azken 40 urteetan
Lurrean bizi diren animalien kopurua erdiraino gutxitu da azken 40 urteetan WWF erakundeak eta Londresko Zoological Societyk egin duen ikerketaren arabera.
Datu horien errudun nagusia gizakia da: habitatak suntsitzea eta elikatzeko bizidunak masiboki hiltzea jo dituzte zenbaki kezkagarrien kausatzat.
“Londresko zoologikoko animalien erdia hurrengo astean hilko balitz egunkarietako azaletan ateratzeko moduko albistea izango litzateke”, adierazi du Ken Norris irakasle eta aipatutako elkarte zoologikoko zuzendari zientifikoak The Guardian egunkariak jaso duenez.
Bada, antzeko zerbait ari da gertatzen, baina eskala handiagoan. “Kalte hau ez da saihestezina, bizitzeko hautatu dugun moduaren ondorioa baizik”, gaineratu du Norrisek.
10.000 animalia-populazio desberdin aztertu dituzte ikerketa egiteko, guztira 3.000 espezie kontuan hartuz. Datu horiekin Planetako Biziaren Indizea osatu dute, ezagutzen diren 45.000 ornodunen egoera islatzen duena. Ikerketari buruzko xehetasun gehiago eta txostena bera irakur daitezke Le Nouvel Observateurrek gaiari eskaini dion albistean.
Egoeraren aurrean ardurak hartzeko beharra azpimarratu du Norrisek. Hori egiten ez bada, bere esanetan, baliabideen gainerabilpenak gatazkak eragingo ditu.
Fisikan lizentziatua eta Filosofia doktore, Gasteizen du ohiko bizitokia Adrián Almazánek (Madril, 1990), baina egun Madrilgo Carlos III Unibertsitatean ematen ditu klaseak. Digitalizazioak ingurumenean, energian eta gizartean sortzen dituen eraginak izan ditu... [+]
Kataluniako Ekoedizioaren Institutuko bazkide egin da ARGIA, Europako bakarra, eta Euskal Herrian halako urratsa eman duen lehen eragilea da. Zigilu baten bidez, bere argitalpenen aztarna ekologikoa neurtu eta garbi adieraziko du hemendik aurrera. Dagoeneko sei liburu ekoeditatu... [+]
El Salto-k Andreu Escrivá ikerlari eta ingurumen-adituari elkarrizketatu du, bere azken liburuaren harira, "Contra la sostenibilidad". Bertan, kapitalismo berdeak bere burua indartzeko erabiltzen dituen estrategiak azaldu ditu, eta nola jasangarritasunaren ideia... [+]
Amazoniako lurrak demarkatu eta indigenenak direla aitortzeko muga gehiago jarriko dituen legea onartu du Brasilgo Kongresuak. Luiz Inácio Lula da Silvaren gobernuak legea kritikatu du eta "araututako genozidio" bat dela esan du. Indigenek hainbat egun daramate... [+]