Baionako Atalante zinema-ohia jarduera politiko eta kulturalerako okupatu du Kontseilu Sozialistak
Baionako Herriko Etxearen jabetzapean, eraikinak bost urte daramatza hutsik, eta espazio hori hartu du Ipar Euskal Herriko Kontseilu Sozialistak, “elkartzeko, kolektiboki pentsatzeko eta borrokak antolatzeko”.
aurre egingo dieten hedabide independenteak
“Instituzio kapitalistengandik” independente antolatzeko beharra nabarmendu du mugimenduak. Bizi-baldintzen kontra Frantziako Estatuaren “eraso gogorrak” direla-eta “haserre sozial handia” dagoen garaiotan, gerra, sarraski eta “faxismoaren hedatze” garaiotan, klase gisa antolatzea ezinbestekoa dela adierazi dute, eta horretarako azpiegiturak beharrezkoak direla.
Asanblada, bilkura, formakuntza eta eztabaidarako azpiegitura ere izango da zinema ohia, Kontseilu Sozialistak iragarri duenez. Eta liburutegi txoko bat ere irekiko dute: “Mugimendu Sozialistaren analisia zein proposamenak ezagutzeko, zein eztabaidetan sakontzeko aukera ukanen da bertan”.
Merkatuko logikatik at, “ordaindu behar izanik gabeko zerbitzuak klase elkartasunaren printzipiopean” antolatzeari ere emango diote lehentasuna. Hala nola oinarrizko produktuen bilketak eta banaketak, tailer praktikoak eta kultur eskaintza antolatuko dituzte.
Beste kolektibo batzuekin elkarlanean aritzeko aukera zabaldu dute, eta oharra gehitu: “Jarrera zapaltzailerik ez dugu onartuko”.
Asteazken honetan 19:00etan egingo dute aurkezpena, eta bertaratzeko deia egin dute.
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]
Euskal Herriko Kontseilu Sozialistak (EHKS) antolatuta, egun osoko jardunaldia egin dute igandean, Bilboko Campos Eliseos antzokian. Hainbat hitzaldik osatu dute egitaraua, eta jardnualdia amaitzeko Bigarrenez Aresti etorkizunaren aurrean antzezlana estreinatu dute.
"Gerra inperialistaren eta Europako estatuen berrarmatzearen aurka" mobilizatuko da Langileon Nazioarteko Egunean.
Hilabetearen hasieran egin zuen EH Bilduk III. Kongresua, Iruñean. “Ez ohiko ondorioak” ateratzeko balio duen “ohiko kongresua” omen da, edo horrela jaso dute behintzat Zutunik ponentzian, zuzendaritzak proposatu eta militantziak aho batez onartu... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Joan den abenduan aurkeztu zuten Euskal Herriko Kontseilu Sozialista (EHKS), Euskal Herrian Mugimendu Sozialista egituratzea helburu duen alderdia. Europan Alderdi Komunista eratzea dute helburu eta iraultza sozialista gauzatzea. Peio Ormazabalek eta Beñat Aldalurrek EHKS... [+]