Munduan dagoenekoz 8 milioi baino gehiago dira COVID-19z ofizialki kutsatutako jendeak
Munduak astelehenean, ekainak 15, gainditu du COVID-19z kutsatutako 8 milioi pertsonen marra, Worldometers zerbitzuak bazkalondoan (15:03 GMT) jakinarazi duenez. Kopuru horren justu erdia sendatutzat jo dute agintariek eta hildakoak 436.000 dira.
Urte berriarekin batera Txinatik zabaltzen hasi zen koronabirus berriak dagoeneko mundu osoan zortzi milioi jende baino gehiago kutsatu ditu. Horiek dira ofizialki onartutako kopuruak, esan nahi baita, COVID-19a hautemateko testa eginda positibo eman dutenak. Errealitatean kopuruak askoz handiagoa izan behar du, baina jakina da mundu osoko osasun zerbitzuei ezinezkoa suertatu zaiela Osasunaren Mundu Erakundeak eskatu bezala susmagarri guztiak eta kutsatuekin harremanetan egon direnak oro testeatzea.
Uneotan munduan koronabirusez kutsatu gehien AEBetan daude, 2,16 milioi. Bigarren postuan Brasil dator 0,86 milioirekin, Errusiak 0,53 milioi dauzka Indiak 0,33 milioi. Kontinenteka harturik, Europak dauzka 2,21 milioi kutsatu, Ipar Amerikak 2,48 milioi, Hego Amerikak 1,42 milioi, Asiak 1,64 milioi, Afrikak 0,24 milioi eta gutxiena Ozeaniak, 9.000 doi-doi.
Ehun milaz goiti dabiltza kutsatu berrien kopuruak azken asteotan munduan, igandean 123.870 gehiago kontabilizatu ziren eta larunbatean 133.716 gehiago.
Osasunaren Mundu Erakundea asteotan kezkatuen Afrikako egoerarekin dago, azken hogei egunetan bi halakotu egin baita kasu berretsien kopurua. Afrikan uneotan Nigeria da erasoa gogorren nozitzen ari den herrialdea.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.