Mondragonek baztertu egin du Fagor Etxetresnetan ekarpenak egin zituztenentzat funtsa sortzea
Ordaindu plataformako bozeramaileek atzo Mondragon Taldeko zuzendari Txema Gisasolarekin izandako bileraren ondoren azaldu dute harremanetan segituko dutela korporazioarekin.
Fagor Etxetresna Elektrikoen (FEE) kapitalean euren aurrezkiak utzi zituzten kaltetuak 800 inguru izan daitezke Ordainduren esanetan eta 87 milioi euro itzuli behar dizkie kooperatibak.
Atzo Mondragon Taldeari eskatu zioten funtsa sortu dezala ekarpenen arazoari irtenbidea emateko, baina korporazioak baztertu egin du oraingoz halakorik egitea. Aitzitik, plataformako bozeramileek “hurbilketa” sumatu dute eta positibotzat baloratu dute Mondragonek “aurrez onartzea konpondu beharreko arazo larri bat dagoela”. Albistea El Diario Vasco eta Gara egunkariek eman dute euren paperezko edizioetan eta ordainketa bidezko bertsio digitaletan.
Herenegun, kaltetuak Eusko Legebiltzarrean izan ziren euren egoera talde politikoei azaltzen eta "babesa" jaso zuten Goienak dioenez. Kanpoaldean bilkura egin zuten:
Legebiltzarreko agerraldian Ordainduk ohartarazi zuen arazoa konpontzen ez bada “domino efektua” eragingo duela eta Mondragoneko beste kooperatiba batzuetako bazkideak jadanik hasi direla eskatzen euren ekarpenak itzultzeko. Besteak beste, El País egunkariak jaso du albistea: Socios de Fagor alertan de la retirada de aportaciones en otras cooperativas.
Atzo Gipuzkoako Auzitegiak emandako epai baten arabera, bestalde, Santander bankuak 40.400 euro itzuli beharko dizkio FEEn ekarpen boluntarioa egin zuen pertsona bati. Albistea Noticias de Gipuzkoa egunkarian irakurgai.
Kooperatibaren itxieraren ondorioz kalean geratu daitekeen langile sektore baten inguruan idatzi du Mondraberri atariak: “Fagor Etxetresnen krisiaren apurtutako jostailuak gara” diote bazkidetza lagapena eginda zeukaten lau pertsonak. Euren gurasoen lanpostuak eskuratzeko aukerarik gabe geratu dira, gurasoek “diru kantitate handiari uko” eginda ere.
Fagor Etxetresenen itxierari lotuta kaltetua suerta litekeen beste sektore bat emakume langileena da. LABek salatu duenez garbiketan aritzen ziren emakume ugari kalean gera litezke, Mondragoneko enpresa handiek lehen azpikontrataturik zeuzkaten zerbitzua barneratuko dutelako. Albistea sindikatuaren webgunean irakur daiteke.
Komunikazio eta autokritika falta
Hondoratzea hasi baino lehen eta ondoren kooperatibak izandako akatsez hainbat artikulu argitaratu dira egunotan.
Fagor Etxetresna Elektrikoen (FEE) eta eredu kooperatiboaren inguruan artikulua kaleratu dute Iñigo Bandres eta Fernando Sabin-ek REASek (Ekonomia Alternatibo eta Solidarioaren Sareak) ElDiario.es-en duen Idearia blogean.
Beren ustez halako tamainako kooperatiben gestio demokratikoa “erronka konplikatua” da eta horrek agerian utzi du “mugak” jarri behar zaizkiola “enpresaren hazkundeari, deslokalizazioari eta lurralde hedatzeari”. Bestalde informazioaren kudeaketan “gardentasun arazoak” izan direla diote ekonomia sozialeko adituok.
Goio Arana Mondragon Unibertsitateko Huhezi fakultateko irakasleak Fagor Etxetresenen eta Mondragon taldearen komunikazioa eta tokiko hedabideak posta idatzi du bere blogean. Aranaren ustez FEEk “ez du jakin ikusten tokiko –gertuko, herriko– hedabideen indarra eta eragina. Horregatik, komunikazio alorrean Fagorrek eta Mondragon taldeak galdu dute iritzi publikoaren partida, etxean bertan, Debagoienan”.
Komunikazioaren esparruan azken urteetan FEEk izandako jarreran sakondu du, Kataluniako L’Accent egunkariak Fagor: D'empresa model a fiasco sense límits artikuluan.
Beterri Saretuz eraldaketa egitasmoak gonbidatuta, Debagoiena 2030 sareko Aritz Ameztegik hitzaldia eman du Andoainen asteazkenean. Eskualde batean eraldaketa lortzeko nola eragin litekeen gako batzuk eskaini ditu.
Biriketako minbizian eta %95eko ezgaitasunean amiantoak izandako eragina onartu zion Gizarte Segurantzak langile bati, baina helegitea jarri zuen Fagor Ederlan enpresak. Donostiako epaitegi batek ez du helegitea onartu eta amiantoaren biktimen elkarteak enpresari eskatu dio... [+]
Gipuzkoako Lurralde Auzitegiak Mondragon absolbitu du Bergarako epaitegiak 2018ko uztailean emandako epaia berretsiz eta preskripzioan oinarrituz erabakia. Ordainduk eta Eskuratuk salatutako engainurik ez zela egon ebatzi du. Mondragon epaiarekin "pozik" azaldu da;... [+]
Herritarrek aukera izan dute dokumental baten bidez Jose Maria Arizmendiarrietaren bizitza eta lana ezagutzeko: Arizmendiarrieta, gizon kooperatiboa.
Ordaindu eta Eskuratu elkarteen eta Mondragon Korporazioaren arteko epaiketako ahozko bistaren azken eguna izan da gaurkoa. Bi aldeetako abokatuek ondorioak aurkeztu dituzte epailearen aurrean, eta lau egunak nola joan diren ikusita, esan daiteke demandatzaileen aldeko ebazpen... [+]
Fagor Etxetresnetako eta Edesako hainbat bazkide ohik, Ordaindu eta Eskuratu plataformetan baturik, Mondragonen kontra ipinitako demandaren epaiketa hasi da gaur, maiatzak 7, Bergaran. EAEko orain arteko demandarik handiena da. 954 bazkide ohik 47 milioi euro erreklamatzen... [+]
Astearte goizean aurkeztu du Edesa Industrialek hartzekodunen arteko hitzarmenerako aurre proposamena epaitegian. Likidazioa saihesteko eta industria jarduerarekin jarraitzeko duten asmoen barruan dagoela adierazi dute bidalitako oharrean. Edesa Industrialeko langileek "ez... [+]
CNA Group-eko filiala den Edesa Industrialek gaur goizean aurkeztu du hartzekodunen lehiaketa Donostiako merkataritza auzitegian. Dituen zorrak 100 milioi eurotik gorakoak dira.
Berrikuntza sozialean lanean ari diren hainbat ekimen ezagutzeko aukera izango da urriaren 25eko jardunaldietan. ARGIAk zuzeneko emisioa eskainiko du.
Edesa Industrialeko langileen etorkizuna Luxenburgon finkaturik dagoen talde horren eskuetan dago. Baina ELA eta LAB sindikatuek salatu dutenez, apenas daukagu daturik konglomeratu horren inguruan.
Iragarritako moduan, CNA taldearen Edesa Industrialeko zuzendaritzak gaur aurkeztu du enplegua suntsitzeko EREa, langile guztiendakoa. Ostiralean jakinarazi zen bezala, zuzendaritza Edesa Industrial eta Geyser-Gastech enpresetako ordezkariekin batu da; bilera horretan enpresako... [+]
Ez dute CNAk egindako proposamena onartu, euren ustez “xantaia” egiten ari delako eta konpainia katalanak “txeke zuri bat” besterik ez duelako nahi.
Zuzendaritzak kaleratze gutxiago egiteko aukera azaldu du enpresa batzordearekin egindako bileran, baina aldi berean dio "gehienez" 160 lanpostu mantendu ditzakeela, hasierako proposamenean bezala.
12:00etan dute hitzordua bihar, eguena, Fagor CNAko langileen ordezkariek CNA Taldeko zuzendaritzakoekin, negoziazioari ekiteko. “Enpresa bat ez da konpontzen murrizketekin”; hori abiapuntu, 350 lanpostuak eta enpresaren bideragarritasuna defendatzera bertaratuko... [+]
Konpainiak katalanak aurkeztu du Edesa Industrialentzako bideragarritasun plana: produkzioa doitu, Garagartzako planta itxi eta langileen erdia kalera.