Monarkiaren kontra eta herriek erabakitzearen alde manifestazioa Iruñean

  • Nafarroako ezkerreko alderdi eta sindikatuen gehiengoak monarkiaren kontra eta herrien erabakitze eskubidearen alde manifestazioa deitu du Iruñean, larunbatean 18:00etan. Europako bozetan Espainiako alderdi-bitasunaren “porrota”rekin lotu dute Juan Carlos I.aren abdikazioa.

Astelehenean bi elkarretaratze egin ziren Iruñean Espainiako III. Errepublikaren eta Euskal Herriaren independentziaren alde (argazkiak: Deia).

2014ko ekainaren 06an - 00:00
Azken eguneraketa: 2015-02-26 13:37:33

Espainiako Erregearen irudia, alderdi-bitasunaren beherakada eta egungo egoera ekonomiko eta soziala aipatu dituzte “aldaketa operazioaren” osagai nagusi.

Herritarren erabakitzeko eskubidea oinarri hartuta eta aste osoan izandako mobilizazioek edukitako erantzuna ikusirik, testu eta lema berdina adostera iritsi dira.

Idatzian, besteren artean, salatu dute enpresa handiek eta eliza katolikoak etorkizuneko Espainiako erregeari eman dioten babesa, baita Espainiako alderdi-bitasunean parte hartzen dutenek erakutsi duten kolaboratzeko jarrera ere.

Deialdiaren antolatzaileen ustez, monarkiaren aldekoak ez daude seguru datozen udal hauteskundeen eta hauteskunde orokorren ondoren Ondorengotza Legea onartu ahal izango duten europarretako emaitzak ikusirik, eta horrek bultzatutako jarrera dela abdikazioarena.

Hainbat dira deialdira lotu direnak: EH Bildu, IU, Batzarre, PCE-EPK, Geroa Bai, Podemos-Ahal dugu, Ezker Antikapitalista, Ezkerreko Junta Errepublikarra alderdiak, LAB, ELA, STEE-EILAS, ESK, Solidari, CGT eta CCOO sindikatuak, eta Ernai, Eraldatu, Gazte Komunistak, Ikasle Abertzaleak, Nafarroako Duintasun Martxak, Langabezian dauden eta Prekario diren pertsonen elkartea, Emakumeen Mugimendu Demokratikoa, Emakume Progresistak eta PSNko gazte sozialistak.

Ikusi deialdia egiteko ekitaldia jasotzen duen Ahotsa.inforen bideoa:


Kanal honetatik interesatuko zaizu: Espainiako monarkia ezbaian
Carlos Fonseca kazetaria
“O-23ko estatu kolpean, erregeak jeneral bati baimena eman zion kontzentrazio gobernua osatzeko”

Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]


Hego Euskal Herriko biztanleen gehiengo zabalak nahiago du errepublika monarkia baino

Elektomaniak egin du galdeketa. Gipuzkoa da estatu guztian lehenengo postuan geratu dena, Bizkaia bigarrena eta Nafarroa eta Araba, berriz, laugarren eta bosgarren.


2022-05-24 | ARGIA
Monarkiaren kontrako adierazpenak despenalizatzeko eskatu dute EH Bilduk eta ERCk

Espainiako monarkia iraintzeagatik se hilabete eta bi urte arteko espetxe zigorra aurreikusten du zigor kodeak. Lege hori bertan behera uzteko eskatu dute EH Bilduk eta ERCk.


Galiza non ten rei

Itzuli da Juan Carlos eta Galizia aukeratu behar izan du erakusteko berak jarraituko duela egiten borboiaren puntan jartzen zaiona. Diotenez, diskrezioa eskatua zion Espainiako Errege Etxeak, ez zaiolako show handirik komeni, monarkia krisi existentzial bat bizitzen ari baita... [+]


Eskandaluak eta balizko maniobrak

Goiko esferetan mugitzen diren gizaseme zoriontsu guztiak antzekoak dira, eta egin behar ez luketen zerbait egiten atzematen dituzten guztiak berriz, bakoitza bere modukoa. Boris Johnson eta Iñaki Urdangarin, BoJo eta Besoluze –horrela deitzen omen dio Juan Karlos... [+]


Eguneraketa berriak daude