Aurpegira barre egiten digute
aurre egingo dieten hedabide independenteak
Pasa den abuztuan hautsak harrotu zituen Juan Carlos de Borbónen ihesaren albisteak. Zapokeri ekonomikoz beteriko bi urteren buruan, etxez aldatu eta Arabiar Emirerri Batuetara emigratzea erabaki zuen estatuburu maiteak. Emakumeak laidotu, homosexualak harrikatu eta kazetariak zentsuratzen dituzten horietara, bai.
Etor zitekeena ikusita, harpe mediatikoak berehalako erantzuna eman zuen. Ezinbestekoa zen aberriarengatik hainbeste sakrifizio egin zituenaren irudia goraipatzea: Frankismoaren amaiera, Konstituzioa, otsailaren 23ko estatu-kolpea, eta abar. Bizizalearen eskandaluak barreiatu ahala, hedabide nagusiek zuritze-kanpaina lotsagarri bati ekin zioten. Baina hilabete batzuk geroago, eta askotan gertatu ohi den bezala, lardaska ahaztuz joan ginen. Nolanahi ere, duela gutxi erregegoak gure haserrea gogora ekarri zuen gertaera pare batekin: Pablo Hasélen espetxeratzea eta infanten txertaketa goiztiarra.
"Koroaz libre geratu diren herrialdeak iraganean errege-erreginen ahaideak exekutatu dituztenak izan dira. Historiak hala dio, bederen"
Soberan dakigu adierazpen-askatasuna existitzen dela, betiere 1978ko Konstituzioaren balore eskuindarrak urratzen ez baditu. Hau da: aske gara, estatuaren parametroetatik ateratzen ez garen heinean. Bestalde, Elenak eta Cristinak anaia zaharrari bisita egin eta, bertan zeudela, koronabirusaren aurkako txertoa jarri zuten txandarik errespetatu gabe. Milaka hildako, beste horrenbeste ezbehar, eta bi lotsagabe horiek arrisku handiko herritarrak baino lehenago immunizatuak izan dira. Aurpegira barre egiten digute.
Tamalez, inguruan nagusi den erregezaletasunak ez du ezer onik iragartzen. Zer gehiago behar du pertsona batek bere lepotik aberasten ari direla ikusteko?
2013an Mario Herrerak, Podemoseko kargu ohi batek, honakoa esan zuen: “Espainian bi gauza falta zaizkigu Europaren mailan egoteko: gillotinak eta eliza gehiago erre izana”. Garaian sekulako iskanbila sorrarazi zuten adierazpenek. Ez zen gutxirako, alderdi morearen sorrera iristear baitzen eta “monarkia edo errepublika” eztabaida pil-pilean zegoelako.
Ez diot Herrerari arrazoia kenduko. Koroaz libre geratu diren herrialdeak iraganean errege-erreginen ahaideak exekutatu dituztenak izan dira. Historiak hala dio, bederen. Eskerrak Auzitegi Nazionalean euskara ikasteko asmorik ez dutela, bestela katramilaren batean sartuko ginateke.
Estatu-mailan jopu pentsaera bikainki barruratu dute. Diktadore baten eskutik etorri eta luxuzko hegazkin batean joan da Juan Carlos. Jarrai ezazue monarkaren ipurdia garbitzen, plebeio horiek.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Lau hilabete daramatzagu greba mugagabean, hitzarmen propio baten eta lan-baldintza duinen alde. Lau hilabeteko greba honetan, udaltzainek piketeetan bortizkeriaz zapaldu gaituzte, hirian jarraitzen gaituzten eta mobilizazio bakoitzean zelatatzen gaituzten polizia... [+]
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]
Etxe pareko lokala itxita, obretan, zerbait berria irekiko dutelako susmoa. Ez da izanen mertzeria bat, ez eta loradenda bat. Kasurik onenean taberna bat, ohikoa, auzokoa, eta txarrenean gastrobarra edo specialty cafe bat. Ez duzu dirurik bost euroko kafea erosteko. Ez duzu... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Euskararen normalizazioaren motorrak herri dinamikara bueltatu behar du aurrera egin nahi badugu
Gaztetxo bati lehen mugikor adimentsuak eskaini beharko liokeena zer izan beharko litzatekeen hasi naiz pentsatzen. Nork daki, beharbada ordenagailuetarako Luberri edota Txikilinux sistema eragile libre euskaldunak sortu ziren bezala, mugikorretarako garatu liteke Linage... [+]
Inoiz Erdi Aroko etxe museifikaturen batean egon bazarete, etxeko altzarigintza egurrezkoa, berniz ilunekoa eta dekorazio landuarekin egina zela konturatuko zineten. Eta etxearen dekorazioari dagokionean, deigarriena da zeinen altzari gutxi zituzten edozein gela motan, baita... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Uda honetako erronka omen sare sozialetan: kaka egitea igerileku publikoetan. Ohikoak dira jokabide zikinak sare horietan, eta batzuek beren gorotz fisikoa libratzea, ororen begi-bistan eta eskura, honezkero gaina hartu digun zikinkeria digital erraldoia hezurmamitzea besterik... [+]
Liburuak hasi, utzi… begietatik garunera nagi doaz esaldiak, eta itzali ezin dudan tik-tak bat entzuten dut. Ikus-entzunezkoak pikatzen ari naiz.
Entzun dut burpee, eta Llados, eta body count, eta nahi duzulako zara pobrea, eta Milei, eta Thiel, eta unibertsitatea... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
Euskararen balizko etorkizunari buruzko ikerketa bat ezagutzera eman da berriki, eta zalaparta eragin du bertan irudikatzen den paisaia beltzak. Asaldamendu hori auzitan jarriz abiatuko dut nire ekarpena. Zergatik da harrigarria datu hori? Zein mundutan bizi gara, gure egoeran... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Euskara badago Bilbon, baina non? Eta zertarako? Nork sortzen du euskarazko kultura, eta nork sostengatzen? Galdera horien aurrean, udalaren azken urteetako erabakiei begira, argiago ikusten da euskara eta kultura bizirik nahi ditugunontzat kezkagarriak diren erabakiak hartu... [+]