Estrasburgok Ines del Rioren kasua aztertu ostean, mobilizazioak Euskal Herri osoan
Ines del Río presoren auzia aztertzen ari da gaur goizean Europako Giza Eskubideen Auzitegia Estrasburgon. 197/2006 doktrinaren kontrako mobilizazio ugari iragarri ditu Herrira-k gaur arratsalderako eta honako bideoa ere egin du doktrina horrek eragiten duen sufrimendua azalduz:
Estrasburgoko auzitegiak 2012ko uztailean erabaki zuen Ines del Riori Parot doktrina aplikatzea ez zela onargarria. Espainiako Gobernuak helegitea jarri zuen epai horren aurka eta gaur goizean epaimahaiak akusazioaren eta defentsaren argudioak entzungo ditu. Aitzitik, hilabeteak igaroko dira behin betiko epaia jakin aurretik.
Doktrina horrek presoaren kartzela zigorra luzatzen du, espetxealdia murrizteko onurak presoaren zigor osoari aplikatzen baitzaizkio eta ez 30 urteko mugari. Ondorioz, doktrina hori aplikatzeak, presoak 30 urteak oso osorik betetzea dakar kasu askotan.
Estrasburgok erabakitzen badu doktrina legez kanpokoa dela, Ines del Rioren kasua aurrekaria litzateke egoera berean dauden beste 71 euskal presorentzat; horietatik 54k kalean behar lukete dagoeneko.
Euskal Herriko eta nazioarteko gizarte eragile, jurista eta politikari ugari azaldu dira 192/2006 doktrinaren aurka. Espainiako Gobernua baina, presio handia egiten ari da Europar Batasuneko erakundeetan, auzitegiak kontrako behin betiko epairik eman ez dezan.
Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.
Etxerat elkarteak "urgentziazko balorazioa" plazaratu du Espainiako Auzitegi Gorenak hartutako erabakiaren ostean. Osorik eskaintzen dizuegu jarraian:
Carmen Gisasola aske geratu da astelehenean, kartzelan 24 urte eman ondoren. 1990. urtean atxilotu zuten Gaskoiniako Landetan (Okzitania) eta azken urteetan Zaballako (Araba) kartzelan zegoen preso. Langraitz bideari helduta, hirugarren graduan zegoen Gisasola.
Jose Ricardo de Prada epaileak “neurriz kanpokotzat” jo ditu ETAko presoei ezartzen zaizkien kondenak. ETAkoak ez diren presoek betetzen dituzten zigorrekin alderatuta, aldea “handiegia” dela adierazi du.
Presoen espetxeratzea urtebete edo bi luzatu ahalko dute neurri berriaren ondorioz. “Parot doktrina” delakoarekin alderatu dute Espainiako Auzitegi Nazionaleko bi magistratuk.