‘Miñan’ liburuaren irakurketa publikoa egingo dute larunbatean Donapaleun
Amikuze eskualdeko ehun gaztek Amets Arzallusen eta Ibrahima Balderen Miñan (Susa, 2019) liburuaren irakurketa publikoa egingo dute Donapaleuko zineman larunbat goizean, 9:00etatik eguerdira arte. Migrazioaren inguruko kantaldi bat eta hitzaldi bat ere antolatu dituzte.
Urriaren 16an izango da irakurketa publikoa, Donapaleuko zineman, eta jendeari entzutera gerturatzeko deia egin du Zabalik elkarteak. Etorkinekin sareko Elkartasuna Amikuzen elkartearekin batera antolatu du ekimena Zabalik-ek. Amets Arzallusek letraz eta Ibrahima Baldek ahoz idatzitako Miñan liburuak Baldek Afrika erditik Europaraino egindako ibilbidea kontatzen du modu zintzo eta gogorrean, bideko oztopo, arrisku, mehatxu eta sorterriko oroitzapenak harilkatuz.
Eguerdian, aperitifaren garaian, "Migrazioa kantuz" ekitaldia egingo dute. Gure kantagintzako migrazioari lotutako kantuen lagin bat abestuko dute orduan.
Hurrengo asteko ostiralean, urriaren 22an, 20:30etan, gai beraren inguruko hitzaldia antolatu dute Donapaleuko herriko etxeko gela berdean. Bertan izango dira Amets Arzallus eta Etorkinekin sareko lekuko bat, migrante gazte eta nerabeen harreraren xehetasunak azaltzeko. Era berean, Elkartasuna Amikuzen elkartekoek ere beren lanaren berri emanen dute.
Zabalik elkarteak adierazi duenez, ekitaldiok “parada ona dira gaur egungo mundu mailako sarraski handienetariko baten berri hartzeko, eta gogoetatzeko, gure ttipian, nolako elkartasun keinuak antola ditzakegun hemendik beretik”.
Miñan, audioliburu gisa
Gainera, aste honetan bertan argitaratu du Susa argitaletxeak Miñan liburua audioliburu formatuan, Amets Arzallusen ahotsean emanda. Esteka honetan dago entzungai: Miñan audioliburua.
Bidasoako erraldoi eta buruhandien kalejira eta dantza ostean aurkeztuko dute Adur Larrea eta Gorka Bereziartuak Abentura erraldoia. Hegan liburua Irunen, urriaren 18an (larunbata), 17:30ean.
Elorriagaren 'Francesco Pasqualeren bosgarren arima', Mitxelenaren 'Aitona Floren' eta Rosenderen 'Traba' saritu ditu aurten Eusko Jaurlaritzak. Sari banaketa azaroaren 26an egingo da.
Zeruko Argian eta Anaitasuna-n idatzi zituen zinema kritikak Joseba Sarrionandiak 1977 eta 1980 urteen artean, 20 urte inguru zituela. Horien bilduma eginda, Pamiela argitaletxeak argitaratu du liburua, Joseba Sarrionandiaren zinema paperak (1977-1980). Josu Martinezek egin ditu... [+]
Umea hemen, Umea han
Chuck Groenink. Itzulpena: Nagore Perez
Ibaizabal, 2025
Historiaurreko istant bat du azpi izenburu liburu honek, eta horixe da, hain zuzen, egileak kontatu nahi diguna, istant... [+]
"Israelen kontrako boikot kanpainak martxan dauden honetan, kulturgileoi lerratzea dagokigu", adierazi du Saioa Alkaizak komunikabideetara igorritako oharrean. BDZk txalotu egin du Alkaizaren erabakia, eta Elkar argitaletxeari gonbita luzatu dio, "erabaki ausartak... [+]
2020ko Euskadi Literatura Saria irabazi zuen Cambiar de idea (Ideiaz aldatu) autofikzio feministarekin. Emakume idazleek literatura kanon patriarkalera egokitu beharra kritikatu zuen liburu horretan. Todo empieza por la sangre (Dena odoletik hasten da) bere seigarren... [+]
LAIDA ikerketa taldeak Bermeoko Arrantzaleen museoan abuztuaren 28 eta 29 antolatutako ikastaroan egingo duen hitzaldiaren sintesia da Arestiren ekarpen artistikoa nabarmentzea.
Parranda dezente egindakoa naiz Kardaberazen –Hernanin izen hori zeukan kalean, alegia–, baina ez nuen asko espero festa egin ahalko nuenik inoiz Kardaberazekin: a ze dibertimendua 1761ean argitaratu zuen Euskararen berri onak. Idatzi zituen beste lan gehienak ez... [+]
Joxe Azurmendi Otaegi euskal idazlea, filosofoa, saiakera egilea eta poeta da. Etikaren, politikaren, hizkuntzaren filosofiaren, teknikaren, euskal literaturaren eta, orokorrean, filosofiaren gaineko liburu eta artikulu asko plazaratu ditu.
- Eduki arduraduna: Haritz... [+]
Joxe Azurmendi (Zegama, Gipuzkoa, 1941-2025) idazle, filosofo eta saiakeragilea zendu da. Literatura eta pentsamenduaren arloan lan itzela egindakoa, intelektual gisa ez ezik, euskararen eta kulturgintzaren aldeko mugimenduetan engaiaturik eman zuen bizitza osoa. Besteak... [+]
6 urtez azpiko haurrek egunean ordubetez baino ezin zuten egon Debako liburutegian, eta egoera hori aldatzeko borrokan aritu da herriko ama talde bat. Udal gobernuak jarrera aldatu eta onartu du herritar guztiek, duten adina dutela, nahi dutenean egon ahal izatea liburutegian... [+]
Belaunaldi oso baten liburua da Palinpsestoa. Idazten dakien modura idatzi du Arrieta Ugartetxeak, eta horixe dateke alde gaitza. Gainerakoan, hortxe gure iragan hurbila, gerra ondoa, apaiz giroa, euskara, militantzia… eta ez hain hurbila ere, senide nagusien gerra... [+]
Ostegunean banatu dute saria, Amasa-Villabonako Hika txakolindegian. Bertan jakinarazi dute 2024koa izan dela 111 Akademiak banatuko duen azken saria.
Euskaltzaindiak, EHUko Gabriel Aresti Katedrak, Gabriel Aresti kultura elkarteak eta Bilboko Koral Elkarteak elkarlanean antolatu dute egitaraua. Ostiral honetan, adibidez, Bilboko Udalaren Txistularien Bandak Aitaren Etxea emanaldia joko du Euskaltzaindiaren... [+]
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]