Milaka esku Miarritzen, bakearen eta presoen alde
Bake Bideak eta Bakegileak deituta, giza kate jendetsua egin da larunbatean Miarritzen. Frantziako Estatuari pauso berriak eskatu dizkiete konponbidearen arloan oro har, eta bereziki presoenean.
Miarritzeko Hotel du Palais eta Birjinaren Haitza lotu zituen larunbat arratsaldeko giza kateak. 3.000 pertsona batu ziren antolatzaileen arabera, “Bakea Euskal Herrian: Orain presoak!” lelopean. Giza katea amaituta, Kasinoko plazan egin zuten ekitaldia.
Presoen gaiak Ipar Euskal Herrian adostasun zabalak bildu ditu. Horren erakusle, elkartutako jendetzaz eta deialdiak jasotako babes ugariez gain, ekitaldian hitza hartu zuten pertsonak. Lehendabizi Miarritzeko auzapez Michel Veunacek eta Jean Rene Etxegarai Euskal Elkargoko lehendakariak hitz egin zuten. Etxegaraik pauso berriak eskatu zizkion Frantziako Estatuari presoen alorrean.
Bake Bideko presidente Anaiz Funosasek hartu zuen hitza ondoren. Berriak jaso duenez, bakearen beharra aldarrikatu zuen Funosasek. Baina ez edozein bake: “Ez armen isiltasunera mugatzen den bakea; elkarbizitza posible egiten duen bakea baizik. Iragan mingarri batetik abiatuz, etorkizun baketsu demokratiko eta giza eskubideetan oinarritua bermatzen duen bakea”.
Justizia trantsizionalaren eta biktimen gaiei ere heldu beharra defendatu zuen Funosasek. Presoen auzia kokatu zuen une honetan erdigunean, edonola ere. Salbuespeneko neurriak bertan behera uztea, hurbiltzeak azkeneraino eramatea eta baldintzapeko askatasunak ematen hastea exijitu zuen Bake Bideko presidenteak. Harago joan beharra ere defendatu zuen: “Salbuespenezko neurrietatik at, ezinbestekoa da koadro juridikoa bake prozesuari egokitzea. Pentsaezina baita elkarbizitza bat posible dela pertsona batzuek oraindik hamar edo hogei urte preso pasatu behar badituzte ondorio mingarriak konpontzen ari garen gatazka batean”. Jakes Esnal, Frederic Haranburu, Unai Parot eta Jon Kepa Parot ere gogoratu zituen, 30 urte preso daramatzaten herritarrak.
Hemen Ahotsak-ek jasotako irudiak:
Jose Mari Dorronsoro preso politikoak Frantziako Estatuan bete zuen zigorra aintzat hartu ondoren, aske utzi zuten abuztuan, Etxerat elkarteak jakinarazi duenez.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Hirugarren graduan dagoen preso baten eta bere ilobaren mendi bueltan girotutako laburmetraia aurkeztu du Hatortxurockek. Kalera irteten diren presoei harrera duina emateko beharra aldarrikatu nahi dute lan honekin.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]