Mikel Martinez izango da Euskadiko Ekoizle Eszenikoen Elkarteko zuzendaria
Mikel Martinez aktorea hautatu dute Eskenako (Euskadiko Ekoizle Eszenikoen Elkartea) zuzendari. Lizarran jaiotako antzezleak zuzendaritza berria gidatzeko ardura izango du gutxienez urtea amaitu bitartean.
Lantaldeetan oinarritutako egitura horizontal eta parte hartzailearen aldeko apustua egingo du Eskenak, “sektorearen garapen profesionala sustatzeko”, elkarteak zabaldutako prentsa oharrean adierazi dutenez.
Zuzendaritza berriaren izendapena hausnarketa prozesu “sakon eta iraunkor” baten urrats bat gehiago da, Eskenaren berbetan. Aldi berean estutasunez eta dinamismoz betetako garaia bizi dugula nabarmendu du Martinezek kargua hartutakoan, eta euskal antzerkiaren aldeko militantetzat jo du bere burua.
Berarekin batera zuzendaritzako kide izango dira Pilar López, Gorka Mínguez, Ana Pimienta eta Idoya Ayestaran. Azken horri egokituko zaio sektorearen hitzarmena negoziatzea. Besteak beste, administrazio publikoarekiko eta antzokiekiko duen bitartekaritza rola indartu nahi du Eskenak.
Gerratik ihesi 1937ko ekainean Donibane Garazin Bilbo eta inguruetako 600 haur jaso zituzten. Hiriburuko Ziudadelan Eusko Jaurlaritzaren menpeko eskola kolonia bihurtu zuten, eta bi urtean 8-14 urteko 800 bat haur igaro ziren bertatik. Haurrekin 80 bat heldu ere iritsi ziren:... [+]
Aste hondar honetan euskal dantzen hiriburu bilakatu da Hendaia. Akelarre dantza talde hendaiarraren 50. urtemugaren testuinguruan, Lapurdi, Baxe Nafarroa eta Xiberoako hamasei dantza talde elkartu ditu bertan Iparraldeko Dantzarien Biltzarrak.
Nola deitzen da dantzariek batak besteari ipurdian sua piztearen zirraraz jolasean aritzen diren dantza? Ba plego-dantza izan liteke, edo bizker-dantza, edo tatin-dantza sua ipurdian edo Izetz ixetukoa-Baietz ixetukoa... Ablitasen, Baztanen, Garesen, Bardozen zein... [+]
Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du martxo hondar eta apiril hastapenean. Ondorengo lerroetan taldeak berak azaltzen ditu ospakizunok.